![](https://fergana.uz/uploads/sdfsdfsdfsdfsdfsdafsfdasdf.jpg)
Farg'ona viloyati hokimi
Hayrullo Hayitbayevich Bozarov
![](https://fergana.uz/images/img/flag-gerb.gif)
.
.
Saytni baholash
XITOYNING RUISU KOMPANIYASI FARG’ONADA ELEKTROMOBILLARNI QUVVATLASH USKUNALARINI ISHLAB CHIQARISHNI REJALASHTIRMOQDA
![](https://fergana.uz/uploads/bot/3406f13b3415cc0c4f4e3.jpg)
2023-10-28 20:14:17 9523
Viloyat hokimi Xayrullo Bozorov Xitoyning Ruisu kompaniyasi direktori Maykl Chen boshchiligidagi kompaniya vakillarini qabul qildi.
Uchrashuvda Ruisu kompaniyasi tomonidan viloyatimiz hududida elektromobillarni quvvatlash uskunalarini ishlab chiqarish bo’yicha amalga oshirilishi rejalashtirilayotgan investitsion loyiha muhokama qilindi.
O’zbekistonda elektromobillar jadal ommalashib borayotganini qayd etgan Maykl Chen, kompaniya viloyatimiz hududida o’z korxonasini qurib bitkazishi ma'lum bir vaqt olishini, bu davrga qadar viloyatda bo’sh turgan va faoliyat ko’rsatmayotgan bino-inshootlardan belgilangan tartibda ijaraga joy ajratib berilsa, qisqa muddatda ishlab chiqarishni yo’lga qo’yishga tayyor ekanliklarini ma'lum qildi.
Viloyat hokimi ushbu loyihani har tomonlama qo’llab-quvvatlashga tayyor ekanliklarini bildirib, Farg’ona, Quvasoy va Qo’qon shaharlarida mavjud bo’sh turgan bino-inshootlarni tanlov uchun taklif etilishini ma'lum qildi.
Kelgusi haftada Ruisu kompaniyasi bosh direktorining viloyatimizga tashrifini tashkil etish hamda loyihaning amalga oshirish bo’yicha muzokaralarni yakuniy bosqichda davom ettirishga kelishib olindi.
Ruisu kompaniyasi vakillari tomonidan keltirilgan elektromobillarni quvvatlash uskunalari viloyat hokimiga namoyish etildi, xitoyliklar ularning texnik xususiyatlari haqida ma'lumot berdilar.
Uchrashuvda viloyat hokimining o’rinbosari Iqboljon Ergashev ham ishtirok etdi.
![](https://telegra.ph/file/3406f13b3415cc0c4f4e3.jpg)
![](https://telegra.ph/file/de4981c179733efcb1800.jpg)
![](https://telegra.ph/file/b080e8d5a6419398ff278.jpg)
![](https://telegra.ph/file/44d4f1aeecd068da40c4a.jpg)
![](https://telegra.ph/file/0b15394e6644b4e9856e9.jpg)
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram