1. Bosh sahifa

YAPONIYALIK TADBIRKORLAR VILOYATIMIZDA QATOR SOHALARDA INVESTITSIYAVIY LOYIHALARNI AMALGA OSHIRISHNI REJALASHTIRMOQDA

×

Viloyat hokimligi “Qabullar uyi”da viloyat hokimining o’rinbosari Nuriddin Mamajonov investitsiya loyihalarini amalga oshirish maqsadida yurtimizga tashrif buyurgan yaponiyalik tadbirkorlar bilan yuzma-yuz muloqot o’tkazdi.

Uchrashuvda Yaponiya kompaniyalari tomonidan viloyatimizda tibbiyot, keramika, qishloq xo’jaligi va boshqa qator sohalarda o’zaro manfaatli hamkorlikni yo’lga qo’yish istiqbollari muhokama qilindi.

Yaponiyalik tadbirkor Ayako Morishima bir necha yildan buyon Kunchiqar yurtida serquyosh diyorimizda pishgan darmondorilarga boy va ekologik toza sarxil mevalar hamda kulolchilik mahsulotlari savdosini yo’lga qo’ygan. Samimiy suhbatda Ayako Morishima o’zaro hamkorlik ko’lamini kengaytirish maqsadida bir qator yirik kompaniyalari vakillari bilan kelganligini ma'lum qilib, istiqbolli loyihalarni hayotga tatbiq etish tashabbusini ilgari surdi.

O’z navbatida viloyat hokimining o’rinbosari Nuriddin Mamajonov keyingi yillarda ikki tomonlama manfaatli hamkorlik aloqalari tobora rivojlanib borayotganini ta'kidlab, yangi investitsiya loyihalari va tashabbuslar uchun viloyat hokimligi tomonidan barcha shart-sharoitlar yaratilishi hamda har tomonlama qo’llab-quvvatlanishini bildirdi.

Yuzma-yuz muloqotda muhokama qilingan masalalar bo’yicha hamkorlikda ish tashkil qilishga kelishib olindi. 

Bizni ijtimoiy tarmoqlarda kuzating
Facebook, Telegram, Facebook, YouTube, Instagram