![](https://fergana.uz/uploads/sdfsdfsdfsdfsdfsdafsfdasdf.jpg)
Farg'ona viloyati hokimi
Hayrullo Hayitbayevich Bozarov
![](https://fergana.uz/images/img/flag-gerb.gif)
.
.
Saytni baholash
KOREYANING CHUNCHONNAM-DO PROVINTSIYASI GUBERNATORI BOSHCHILIGIDAGI KATTA DELEGATSIYA FARG’ONA VILOYATIGA KELADI
![](https://fergana.uz/uploads/bot/07962b57b34919d43b12d.jpg)
2024-04-01 20:59:40 7936
Viloyat hokimi Xayrullo Bozorov Koreya-O’zbekiston Biznes assotsiatsiyasi vitse-prezidenti Edvard Kimni qabul qildi.
Uchrashuvda Farg’ona va Koreya Respublikasi o’rtasida har tomonlama aloqalarni rivojlantirish istiqbollari, shuningdek, Koreyaning Chunchonnam-do provintsiyasi gubernatori boshchiligidagi rasmiylar, tadbirkorlar hamda madaniyat va sport ustalaridan iborat katta delegatsiyaning may oyida Farg’ona viloyatiga tashrifi bilan bog’liq hamkorlik masalalari muhokama qilindi.
2023 yil mart oyida viloyat hokimi Xayrullo Bozorov boshchiligidagi Farg’ona viloyati rasmiylari hamda tadbirkorlaridan iborat delegatsiya Koreya Respublikasiga amaliy tashrif davomida Farg’ona viloyati hamda Chunchonnam-do provintsiyasi o’rtasida Do’stlik va Hamkorlik Memorandumi imzongandi.
Kelgusi oyda viloyatimizga amalga oshiriladigan tashrif davomida Farg’ona viloyati hamda Chunchonnam-do provintsiyasi o’rtasida savdo, investitsiya, fan, ta'lim, madaniyat, san'at, sport, turizm va boshqa yo’nalishlar bo’yicha keng ko’lamli hamkorlikni ko’zda tutgan Birodarlashgan hududlar kelishuvi imzolanishi rejalashtirilmoqda.
Bugungi uchrashuv davomida ikki hudud o’rtasidagi hamkorlik doirasida Koreyada mehnat faoliyatini olib bormoqchi bo’lgan farg’onaliklarni Chunchonnam-do gubernatorining maxsus kvotasi asosida to’g’ridan to’g’ri ushbu provintsiyaga ishga yuborish masalasi ham muhokama qilindi.
Uchrashuvda viloyat hokimining o’rinbosari Nuriddin Mamajonov ham ishtirok etdi.
![](https://telegra.ph/file/07962b57b34919d43b12d.jpg)
![](https://telegra.ph/file/827b5d47327343e989d9d.jpg)
![](https://telegra.ph/file/4acff019af930ad629f1d.jpg)
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram