![](https://fergana.uz/uploads/sdfsdfsdfsdfsdfsdafsfdasdf.jpg)
Farg'ona viloyati hokimi
Hayrullo Hayitbayevich Bozarov
![](https://fergana.uz/images/img/flag-gerb.gif)
.
.
Saytni baholash
BU YIL VILOYATIMIZDA TO’RTINCHI BOR O’TKAZILAYOTGAN “ONALARGA EHTIROM” FESTIVALIGA START BERILDI
![](https://fergana.uz/uploads/bot/d422177fe317d3b3a532c.jpg)
2024-05-04 21:34:50 3936
Farg’ona shahridagi “Beshbola” mahalla fuqarolar yig’inida bu yil viloyatimizda to’rtinchi bor o’tkazilayotgan “Onalarga ehtirom” festivalining mahalla bosqichi bo’lib o’tdi. Mahallada yashovchi 500 nafardan ziyod onaxonlarni, jamoatchilik vakillarini o’zida jamlagan tadbirda viloyat hokimi Xayrullo Bozorov ishtirok etdi.
Mahallada Nuroniylar maskani ochilishi bilan bog’lanib o’tkazilgan ushbu tadbirda yildan yilga an'anaviy tus olayotgan, Onalardek ulug’ zotlarga bo’lgan yuksak ehtiromni namoyon etishni maqsad qilgan festivalning joriy yilgi mavsumiga start berildi.
Bayram tadbirida so’z olgan viloyat hokimi barcha onaxonlarni, tadbirga yig’ilgan ayollar, opa-singillarni samimiy qutlab, bugungi kunda mamlakatimizda amalga oshirilayotgan ulkan islohotlarning tub zamirida mo’'tabar onalarimiz, mehribon ayollarimizni e'zozlash, roziligini olish, baxtli bo’lib yashashlarini ta'minlash maqsadlari mujassam ekanini qayd etdi.
"Beshbola" mahallasini har sohadagi ko’rsatkichlari yaxshilanib borayotgani, amalga oshirilayotgan ishlar ko’lami kengligini qayd etgan viloyat rahbari, mahalla ahli, tadbirkorlarning say'-harakatlari, mablag’lari hisobiga xashar yo’li bilan barpo etilgan yangi nuroniylar maskani ham mahallaga yanada ko’rk bag’ishlashini ta'kidladi.
Mahalla fuqarolar yig’ini raisi Rasuljon Saydaliyev, mahalla yettiligi, faollariga ham alohida minnatdorlik bildirildi.
Ko’plab sohalarda el-yurtga tanilgan insonlar yetishib chiqqan "Beshbola" mahallasi kelajakda nafaqat viloyatda, balki respublikada ham eng namunali mahallalardan biriga aylanishiga tilak bildirildi. Shuningdek, Beshbola bilan Quvasoy chegarasidan o’tgan Isfayramsoy hududida turizm markazi tashkil etish rejalashtirilayotgani, bu loyiha mahallaning yanada rivojlanishida muhim omil bo’lishi ta'kidlandi.
Mahalla ijtimoiy hayotida faol ishtirok etib kelayotgan bir guruh ayollar hamda 100 yoshni qarshilagan onaxonlar viloyat hokimining tashakkurnomasi hamda sovg’alari bilan taqdirlandilar.
Tadbir davomida turli sohalarda yutuqlarga erishgan beshbolalik yoshlarning onalariga dil izhorlari aks etgan videorolik namoyish etildi, ushbu yoshlar qo’llarida guldastalar bilan bugungi tadbir chog’ida onalariga hurmat ko’rsatdilar.
El suygan san'atkorlar Zulayho Boyxonova hamda Abduxoshim Ismoilovning musiqiy chiqishlari esa tadbirga ko’tarinki kayfiyat bag’ishladi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram