![](https://fergana.uz/uploads/sdfsdfsdfsdfsdfsdafsfdasdf.jpg)
Farg'ona viloyati hokimi
Hayrullo Hayitbayevich Bozarov
![](https://fergana.uz/images/img/flag-gerb.gif)
.
.
Saytni baholash
FAVQULODDA VAZIYATLARNI OLDINI OLISH VA ULARNI BARTARAF ETISH BO’YICHA YIG’ILISH BO’LIB O’TDI
![](https://fergana.uz/uploads/bot/67517c6f6bd99233ddf54.jpg)
2024-05-14 13:59:13 2142
Bugun viloyat hokimligi katta majlislar zalida Favqulodda vaziyatlarni oldini olish va ularni bartaraf etish bo’yicha respublika ishchi guruhining yig’ilishi bo’lib o’tdi.
Mazkur yig’ilishda Favqulodda vaziyatlar vazirligi Tashkiliy-tahlil boshqarmasi boshlig’i - shtab boshlig’i o’rinbosari Xurshid Sadirov, viloyat hokimining o’rinbosari Xojiqo’zijon Isaqov, viloyatdagi korxona va tashkilotlar, o’ta muhim va toifalangan ob'ektlar rahbarlari, shahar-tuman hokimlarining qurilish masalalari bo’yicha o’rinbosarlari ishtirok etdi.
Ma'lumki, joriy yil 14-23 may kunlari Respublika ishchi guruhi tomonidan Favqulodda vaziyatlarning oldini olish va bunday vaziyatlarda harakat qilish Davlat tizimi Farg’ona viloyati hududiy quyi tizimining aholi va hududlarni tabiiy hamda texnogen xususiyatli favqulodda vaziyatlardan muhofaza qilish va Fuqaro muhofazasi shuningdek, yong’in xavfsizligini ta'minlash sohasida tayyorgarlik holatini kompleks tekshirish va uslubiy yordam ko’rsatish tadbirlarini o’tkazilishi belgilangan.
Bugungi yig’ilishda o’tkaziladigan kompleks tekshiruvlar mazmun-mohiyati, tekshiruv davomida o’rganiladigan savollar, tekshiruv o’tkazish tartiblari xaqida atroflicha tushuntirishlar berildi.
Ushbu tadbirdan ko’zlangan maqsad viloyat FVDT xizmatlari va mahalliy davlat hokimiyati organlari tomonidan aholini va hududlarni favqulodda vaziyatlardan muhofaza qilish bo’yicha olib borilayotgan tadbirlarni o’rganish, ularga xolisona baho berish va mavjud muammolarni bartaraf etish yuzasidan asoslangan takliflarni ishlab chiqishdan iborat ekanligiga to’xtalib o’tildi.
![](https://telegra.ph/file/67517c6f6bd99233ddf54.jpg)
![](https://telegra.ph/file/7b3f99220ec03e477aa32.jpg)
![](https://telegra.ph/file/56141dc1679716b86251c.jpg)
![](https://telegra.ph/file/a725cdca6825f951f9c84.jpg)
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram