1. Bosh sahifa

FARG’ONA SHAHRI VA YEKATERINBURG O’RTASIDA HAMKORLIK YANGI BOSQICHGA KO’TARILADI

×

Viloyat hokimi Xayrullo Bozorov boshchiligidagi Farg’ona viloyati rasmiylari va ishbilarmonlaridan iborat delegatsiya, Rossiya Federatsiyasiga amaliy tashrif davomida YEkaterinburg shahri meri Aleksey Orlov bilan uchrashuv o’tkazdi.

So’nggi yillarda davlatlarimiz o’rtasida aloqalar ko’lami kengayib borayotgani, Farg’ona va Sverdlovsk viloyatlari o’rtasida hududlararo hamkorlik muttasil rivojlanib borayotgani, bu jarayonda Farg’ona shahri va YEkaterinburg o’rtasida ham aloqalarni yanada oshirish dolzarblik kasb etishi uchrashuv davomida ta'kidlandi.

Ikki shahar vakillari Farg’ona va Sverdlovsk viloyatlari hududida o’tkaziladigan yarmarka va ko’rgazmalarda o’zaro ishtirok etishi, shahar xo’jaligining boshqaruvi, shaharsozlik hamda infratuzilmalarning rejalashtirilishi borasida o’zaro tajriba almashinish, turizm yo’nalishida hamkorlik, qo’shma festivallar, madaniyat kunlari, kontsertlar tashkil etish, doimiy ravishda talabalar hamda ilmiy-pedagogik xodimlar almashinuvini yo’lga qo’yish kabi hamkorlik masalalarida fikr almashildi.

2023 yilda Farg’ona shahri va YEkaterinburg o’rtasida hamkorlikni yo’lga qo’yish bo’yicha imzolangan kelishuv bayonnomasining ortidan birodarlashgan hududlar kelishuvi imzolash jarayonini ham tezlashtirishga kelishib olindi. 

Bizni ijtimoiy tarmoqlarda kuzating
Facebook, Telegram, Facebook, YouTube, Instagram