1. Bosh sahifa

KASBIY TA'LIM HAMDA INNOVATSIYALAR SOHASIDA SVERDLOVSK VILOYATINING ILG’OR TAJRIBALARI O’RGANILDI

×

Farg’ona viloyati rasmiylari va ishbilarmonlaridan iborat delegatsiya a'zolari Rossiya Federatsiyasiga amaliy tashrif davomida kasbiy ta'lim hamda innovatsiyalar sohasida Sverdlovsk viloyatining ilg’or tajribalarini o’rgandilar.

Viloyatimiz vakillari dastlab Sverdlovsk viloyati iqtisodiyoti uchun ehtiyojdan hamda kelgusi yillarda shakllanadigan talabdan kelib chiqqan holda mutaxassislar tayyorlovchi o’ziga xos muassasa – Jadal kasbiy tayyorgarlik markazi (Tsentr operejayuщey professionalnoy podgotovki) faoliyati bilan tanishdilar. Ushbu markazda zamonaviy kasblarni o’rganish bilan birga, ikkinchi kasbni egallash, malaka oshirish, sohalar bo’yicha ilg’or yangiliklarni o’rganish imkoniyati taqdim etiladi.

Viloyatimiz delegatsiyasi a'zolari YEkaterinburg shahridagi Yuksak texnologiyalar texnoparkida ham bo’ldilar. Bu yerda Sverdlovsk korxonalari tomonidan ishlab chiqilgan pilotsiz uchish apparatlari, revers muhandislik, suv tozalash hamda ximiya sanoati uchun yangi ishlanmalar bilan tanishildi. Viloyatimiz hududidagi “Qo’qon” erkin iqtisodiy zonasi hamda kichik sanoat zonalarida hamkorlikda ishlab chiqarishni yo’lga qo’yish imkoniyatlari muhokama qilindi. Bu borada hamkorlik chora-tadbirlari belgilanib, birgalikda ish tashkil etishga kelishib olindi. 

Bizni ijtimoiy tarmoqlarda kuzating
Facebook, Telegram, Facebook, YouTube, Instagram