1. Bosh sahifa

MONTAGNE ET NEIGE DÉVELOPPEMENT KOMPANIYASI SHOHIMARDONDA ARQON YO’L VA OSMA KO’PRIKLARNI O’Z ICHIGA OLGAN OMMAVIY TURIZM MASKANI BARPO ETISH BO’YICHA LOYIHA KONTSEPTSIYASINI TAQDIM ETDI

×

Viloyat hokimi Xayrullo Bozorov Frantsiyaning Montagne et Neige Développement (MND) kompaniyasi hududiy direktori Orxan Shirinni hamda kompaniyaning mahalliy hamkorlarini qabul qildi.

Joriy yil 6 iyunda ushbu kompaniya vakillari bilan o’tkazilgan dastlabki uchrashuvda viloyatimiz hududida arqon yo’l va osma ko’priklarni o’z ichiga olgan ommaviy turizm maskani barpo etish loyihasi muhokama qilinib, ushbu loyihani Shohimardonda amalga oshirish bo’yicha loyiha kontseptsiyasi ishlab chiqishga kelishib olingandi.

Bugungi uchrashuvda Montagne et Neige Développement (MND) kompaniyasi vakili Orxan Shirin viloyat hokimiga o’zlari tomonidan Shohimardonda olib borilgan o’rganishlar natijasida ishlab chiqilgan hududni turistik rivojlantirish kontseptsiyasini taqdim etdi.

Loyiha 10 tadan kabinaga ega ikkita arqon yo’li, 1 ta qiya ko’targich, 1 ta osma ko’prik, Zipline, Alpine Coaster attraktsionlari va boshqa ko’plab qo’shimcha turistik infratuzilma ob'ektlarini o’z ichiga oladi. Tabiat bilan uyg’unlik bosh g’oya bo’lgan loyihada oilaviy turizm imkoniyatlarini taqdim etishga ham alohida e'tibor qaratilgan.

Loyihani moliyalashtirish masalasida imtiyozli kredit mablag’larini jalb etish bo’yicha Frantsiya taraqqiyot agentligi (FTA) hamda YEvropa banklari bilan muzokaralarni birgalikda olib borishga kelishib olindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram