1. Bosh sahifa

2024 YILNING O’TGAN DAVRIDA FARG’ONA VILOYATINING EKSPORT HAJMI 343,1 MLN. DOLLARNI TASHKIL ETDI

×

Joriy 2024 yilning o’tgan davrida Farg’ona viloyatidan xorijga jami 343,1 mln. dollarlik eksport amalga oshirilgan. Shundan, qishloq xo’jalik mahsulotlari hajmi 115,2 mln. dollarni, sanoat mahsulotlari 227,9 mln. dollarni tashkil etgan.

Viloyatimiz sanoat mahsulotlari eksportida ip-kalava, mato, tayyor tikuv-trikotaj mahsulotlari, kimyoviy o’g’itlar, oziq-ovqat mahsulotlari va qurilish mahsulotlari asosiy ulushga ega bo’ldi.

Qishloq xo’jaligi mahsulotlari eksportida asosiy ulushlarni gilos, o’rik, shaftoli, karam, sabzi, gulkaram, sliva, uzum, olcha, olma mahsulotlari tashkil etdi.

Eksport geografiyasi bo’yicha olganda, mahsulotlar asosan Rossiya Federatsiyasi (91,2 mln. dollar), Turkiya (39,6 mln. dollar), Afg’oniston (20,1 mln. dollar), Xitoy Xalq Respublikasi (16,7 mln. dollar), Qozog’iston (15,8 mln. dollar), Qirg’iziston (15,3 mln. dollar), Eron (14,7 mln. dollar), Tojikiston (8,0 mln. dollar), Turkmaniston (5,7 mln. dollar), Polsha (5,4 mln. dollar), Litva (3,9 mln. dollar) mamlakatlariga yuborildi.

Viloyatda hozirgi kunda 567 ta eksportyor korxonalar tomonidan 50 ta davlatga eksport amalga oshirilmoqda. So’nggi davrda eksport geografiyasi 12 ta yangi davlatlari hisobiga kengaydi. Jumladan, Ispaniya, Bolgariya, Buyuk Britaniya, AQSh va Quvayt davlatlari bozorlari o’zlashtirildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram