Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
MARG’ILONDA ERON STARTAP KOMPANIYALARI ISHTIROKIDA TEXNOPARK HAMDA SAVDO MAJMUASI TASHKIL ETISH LOYIHASI JADALLASHTIRILADI
2024-08-05 12:46:34 191
Viloyat hokimi Xayrullo Bozorov, Marg’ilon shahridagi “Mr. fish company” MChJ shaklidagi xorijiy korxonasi muassisi, eronlik ishbilarmon Shafi G’ulom Rizo hamda investor Katayun Behzadini qabul qildi.
Uchrashuvda korxona tomonidan Marg’ilonda amalga oshirilayotgan Eron startap kompaniyalari ishtirokida Texnopark hamda savdo majmuasi tashkil etish loyihasini jadallashtirish masalasi muhokama qilindi.
Shaharning Yo’rmado’z MFY hududidagi sobiq to’qimachilik kombinati binosida, umumiy 10 gektar maydonda, 6 gektar bino inshootda faoliyat olib borayotgan “Mr. fish company” korxonasida ishlab chiqarilayotgan mahsulot hajmi hamda yaratilgan ish o’rinlari ob'ekt hajmiga nomutanosib ekaniga e'tibor qaratilgandi. Bundan kelib chiqqan holda qiymati 5 mln. dollar bo’lgan investitsion loyiha doirasida tashkil etilayotgan Texnopark hamda savdo majmuasida jami 500 dan ziyod doimiy ish o’rinlari yaratilayotgani Shafi G’ulom Rizo tomonidan ma'lum qilindi.
Erondagi kichik va o’rta biznesning innovatsion kompaniyalari bu loyihaga katta qiziqish bildirayotganini qayd etgan ishbilarmon, kompaniyalar ishlab chiqarishni tashkil etish bilan birga o’z mahsulotlarini sotish imkoniyatiga ham ega bo’lishlarini bildirdi.
Toshkentda ochilishi ustida ish olib borilayotgan Eronning Sharif Texnologiyalar universitetining amaliyot bo’limini ham Marg’ilonda tashkil etilayotgan Texnoparkda joylashtirish hamda muhandislar tayyorlashda Farg’ona politexnika universiteti bilan hamkorlik o’rnatish masalasi ham atroflicha ko’rib chiqildi.
Viloyat hokimi ushbu loyihalarni ma'qullab, ularni muvaffaqiyatli amalga oshishi uchun har tomonlama qo’llab-quvvatlashga tayyor ekanliklarini bildirdi, viloyat investitsiyalar, sanoat va savdo boshqarmasidan ushbu loyihani jadallashtirish hamda muvofiqlashtirish uchun ma'sul xodim biriktirildi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
