1. Bosh sahifa

DANG’ARA TUMANIDA TADBIRKORLIK, MAHALLALARNI ISHSIZLIKDAN XOLI HUDUDGA AYLANTIRISH, OILALARNI DAROMADLI QILISH BORASIDAGI ISHLAR BILAN TANISHILDI

×

Viloyat hokimi Xayrullo Bozorov viloyat sektorlari rahbarlari bilan birga Dang’ara tumanida bo’lib, tadbirkorlik, mahallalarni ishsizlikdan xoli hududga aylantirish, oilalarni daromadli qilish borasidagi ishlar bilan tanishdi.

G’umoyli MFYda “Karobka mega global” MChJ tomonidan 3 mln. dollar investitsiya hisobiga yaqinda elektr choynaklar va elektr jihozlar ishlab chiqarish yo’lga qo’yildi. 50 nafar kishi mehnat qilmoqda. Korxona rahbari Rahimjon Abdullayev tomonidan yangi loyiha bo’yicha ishlar boshlangan bo’lib, uning natijasida 100 ta ish o’rni yaratiladi.

Viloyat rahbari ushbu loyihalar bilan tanishdi, ish o’rinlarini ko’paytirish, mahsulotlarning sifatini oshirish kerakligi bildirildi.

Shu mahallada “Asadbek lider” korxonasi qurilish mahsulotlari ishlab chiqarishni tashkil etgan bo’lib, 25 nafar yoshlar ishlamoqda. Shu yerda tunukachilik tarmog’i bor. Yangi savdo majmuasi ham barpo etilyapti.

Navbahor MFYda “Evrika kabel fayzi” MChJ tomonidan 10 mlrd. so’m mablag’ hisobiga elektr kabellari ishlab chiqarish yo’lga qo’yildi. Yuzdan ziyod kishi ish bilan ta'minlandi. Viloyat hokimi bu yerda bo’lib, ishlab chiqarish jarayoni bilan tanishdi. Tadbirkorning kredit olish bilan bog’liq masalasi mas'ullarga yo’naltirildi.

Mazkur mahalladagi tadbirkor Ahadjon Jumanov tomonidan tashkil etilgan paypoq ishlab chiqarish korxonasi ko’zdan kechirildi. Bu yerda 60 nafar xotin-qizlar mehnat qilyapti. Yosh tadbirkor Diyorjon Erqo’ziyev esa bolalar kiyimlarini ishlab chiqarish korxonasini tashkil qilib, 70 ta ish o’rni yaratdi. Sifatli mahsulotlar ancha xaridorgir.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram