1. Bosh sahifa

VILOYAT HOKIMI QO’QON SHAHRIDA “YANGI O’ZBEKISTONNING YANGI MAHALLALARI” RENOVATSIYA DASTURI ASOSIDA AMALGA OSHIRILAYOTGAN QURILISH ISHLARINI BORIB KO’RDI

×

Viloyat hokimi Xayrullo Bozorov Qo’qon shahridagi o’rganishlari davomida “Yangi O’zbekistonning yangi mahallalari” Renovatsiya dasturi asosida amalga oshirilayotgan qurilish ishlarini borib ko’rdi.

Prezidentimizning viloyatimizga tashrifida chog’ida “Yangi O’zbekiston massivi” loyihasi mahallagacha tushirilishi belgilanib, Qo’qonda birinchi “Mahalla massivi” qurilishi bo’yicha topshiriqlar berilgan edi. Ayni kunlarda mazkur topshiriqlar ijrosiga kirishilgan bo’lib, uning doirasida Qo’qon shahridagi G’ishtli masjid mahallasining Movoraunnahr ko’chasidagi 3 ta 2 qavatli ma'nan eskirgan turar joy binolari o’rniga Renovatsiya dasturi asosida yangi 3 ta 9 qavatli jami 136 xonadondan iborat turar-joy binolari qurilmoqda.

Qurilish “ARTEON” MChJ tomonidan olib borilayotgan bo’lib, barpo etilayotgan ko’p qavatli turar-joy binolariga qo’shimcha ravishda avtoturargoh, bolalar maydonchalari, yo’laklar va yashil maydon tashkil etish belgilangan.

Viloyat rahbari tomonidan qurilish ishlari sifatli bo’lishi, aholi uchun zarur sharoitlar yaratish kerakligi bo’yicha mas'ullarga topshiriqlar berildi.

Qo’qon shahrida 200dan ortiq ma'nan eskirgan ikki qavatli uylar bo’lib, Renovatsiya dasturi asosida yangi ko’p qavatli uy-joylar qurish rejalashtirilgan.

Quruvchilar ishtirokida Renovatsiya dasturi asosida amalga oshirilishi rejalashtirilayotgan yangi loyiha va takliflarni viloyat qurilish bosh boshqarmasi boshlig’i Lazizxon Fozilov taqdimotini o’tkazdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram