1. Bosh sahifa

VILOYAT HOKIMI QUVA TUMANIDA IJTIMOIY-IQTISODIY RIVOJLANTIRISH YO’NALISHIDA HAMDA O’RGANISHLAR DOIRASIDA BELGILAB BERILGAN TOPSHIRIQLARNING IJROSI BILAN TANISHDI

×

Viloyat hokimi Xayrullo Bozorov Quva tumanida bo’lib, hududni ijtimoiy-iqtisodiy rivojlantirish yo’nalishida hamda o’rganishlar doirasida belgilab berilgan topshiriqlarning ijrosi bilan tanishdi.

Turk MFYda ayni kunlarda yangi massivning qurilishi davom etayotgan bo’lib, 2 ta yangi 5 qavatli uy-joylar qurilishi boshlandi. “Sifat Qubbo servis” MChJ tomonidan qurilayotgan 36 xonadonga mo’ljallangan uyning birinchi qavatida savdo va xizmat ko’rsatish do’konlari hamda DXSh asosida mahalla binosi ham joylashishi rejalashtirilgan.

Viloyat rahbari qurilish ishlarini ko’zdan kechirib, ishlarni jadallashtirish, hududni obodonlashtirish, “yashil makonlar”ni ko’paytirish borasida topshiriqlar berdi.

Mutasaddi tashkilotlar rahbarlari ishtirokida maxsus sanoat zonasi, 1,6 ming gektar adir maydonlarida bog’lar, “yashil belbog’” tashkil etish hamda turizm masalalari muhokama qilindi. Xitoylik investorlar bilan hamkorlikda namunali sanoat zonasini barpo etish ishlarini boshlash, shu yerdagi “Turk” kichik sanoat zonasining loyihalarini ishga tushirish, turizm loyihalarini ishlab chiqish hamda “Karkidon” suv omboriga bo’lgan yo’lning ikki atrofiga daraxtlar ekish vazifasi topshirildi.

Quva kasb-hunar maktabining ta'mirlash bo’yicha loyihasi bilan tanishilib, uni takomillashtirish yuzasidan topshiriqlar berildi. 

Bizni ijtimoiy tarmoqlarda kuzating
Facebook, Telegram, Facebook, YouTube, Instagram