1. Bosh sahifa

QUVA TUMANI MARKAZIDATURIZM KO’CHASI TASHKIL ETILAYOTGAN BO’LIB, IKKI QAVATLI ZAMONAVIY SAVDO DO’KONLARI QURILYAPTI

×

Quva tumani markazi G’alaba MFY Bo’ston ko’chasida Turizm ko’chasi tashkil etilayotgan bo’lib, ikki qavatli zamonaviy savdo do’konlari qurilyapti. Shuningdek, unga yondosh hududda xiyobon zamonaviy ko’rinishga keltirilyapti. Bu ko’cha quvaliklarning eng obod va 24 soat xizmat ko’rsatadigan maskaniga aylanadi.

Viloyat hokimi Xayrullo Bozorov bu yerdagi jarayon bilan tanishdi, qurilish ishlarini sifatli amalga oshirish, hududni obodonlashtirish, aholiga yanada qulaylik yaratishga e'tibor qaratishligi ta'kidlandi. 

Shuningdek, istirohat bog’i ko’zdan kechirilib, mas'ullarga loyihani tezlashtirish, rekonstruktsiya ishlarini boshlash hamda aholi uchun barcha sharoitlar yaratish zarurligi ta'kidlandi.

“Shahriston Qubosi” arxeologiya yodgorligi Quvaning mashhur joylaridan biri. Bu yerda osmon ostida muzey tashkil etish hamda arxeologik tadqiqotlar olib borish ko’zda tutilgan. Viloyat rahbari mazkur hududda bo’lib, Farg’ona davlat universiteti professor-o’qituvchilari bilan amalga oshiriladigan ishlar bo’yicha muloqot qildi.

Yurtimiz tarixi uchun muhim manba bo’lgan bu yodgorlikni tadqiq qilish uchun barcha sharoitlar yaratib berishligi aytib o’tildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram