1. Bosh sahifa

BESHARIQ TUMANIDAGI “YASIN QURILISH MOLLARI” KORXONASINING TSEMENT MAHSULOTI YUQORI SIFATI BILAN O’Z XARIDORLARIGA EGA

×

Mazkur korxona xitoylik investorlar bilan hamkorlikda istiqbolli loyihalarni amalga oshirayotgan bo’lib, mustaqilligimizning 33 yilligi bayrami arafasida an'anaviy va yangi turdagi qurilish materiallari ishlab chiqaruvchi “Yasin Honbang” MChJ ishga tushirildi.

Viloyat hokimi Xayrullo Bozorov viloyat sektorlari rahbarlari bilan birgalikda mazkur yangi korxonaning faoliyati bilan tanishdi.

Korxonaning loyiha qiymati 1 million dollar bo’lib, yiliga 40 ming tonnadan ziyod yangi turdagi qurilish mahsulotlari ishlab chiqarish quvvatiga ega. Bu yerda kafel kleylari, bino ichki va tashqi bo’yoqlari, shpoklovkalar hamda har xil qurilish materiallari ishlab chiqarilmoqda. Mahalliy xom ashyodan tayyorlanayotgan qurilishda binolarni pardozlash bilan bog’liq suvoq, kley, suvbo’yoq, ichki va tashqi devor bo’yoqlari, suvga chidamli va suvyuqtirmas bo’yoqlar, hatto tosh bo’yoqlargacha o’ttiz turdan ortiq mahsulotlar sifati bilan ajralib turadi.

Viloyat rahbari yangi turdagi mahsulotlarni ko’zdan kechirib, hududlardagi amalga oshirilayotgan bunyodorlik ishlarida bu qurilish materiallaridan foydalanish, sifati va raqobatbardoshligiga e'tibor qaratish borasida ko’rsatmalar berdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram