1. Bosh sahifa

FARG’ONA SHAHRIDA “O’ZDAVERLOYIHA” DAVLAT ILMIY-LOYIHALASH INSTITUTI FARG’ONA VILOYATI BO’LINMASINING YANGI ZAMONAVIY BINOSI FOYDALANISHGA TOPSHIRILDI

×

Farg’ona shahrida bunyod etilgan “Yangi O’zbekiston” massivi – Ekoshaharda Qishloq xo’jaligi vazirligi tizimidagi “O’zdaverloyiha” davlat ilmiy-loyihalash instituti Farg’ona viloyati bo’linmasining yangi zamonaviy binosi qurilib, foydalanishga topshirildi.

Ochilish marosimida viloyat hokimi Xayrullo Bozorov, Qishloq xo’jaligi vaziri Ibrohim Abdurahmonov, viloyat sektorlari rahbarlari, tizim xodimlari hamda mehnat faxriylari ishtirok etishdi.

Tadbirda so’z olganlar tomonidan har bir soha singari qishloq xo’jaligi sohasida ham islohotlar jadal olib borilayotganligi ta'kidlanib, yer umummilliy boylik ekanligi, uni aniq hisob-kitobini yuritish, undan samarali foydalanishda ushbu muassasaning o’rni katta ekanligi qayd etildi. 10 milliard mablag’ evaziga qurilgan binoda xodimlar uchun qulay shart-sharoitlar yaratib berilganiga e'tibor qaratildi.

Ushbu bo’linmaning yangi ma'muriy binosi mamlakatimiz rivojiga, jumladan, yer tuzish sohasi istiqboliga xizmat qilishiga tilak bildirildi.

Ramziy lenta qirqilib, mehmonlar zamonaviy binoda xodimlar uchun yaratilgan sharoitlar bilan yaqindan tanishdilar.

Mazkur bo’linma viloyat bo’yicha yer tuzish, yaylovlarda geobotanik tadqiqotlar o’tkazish, qishloq xo’jaligi maqsadlari uchun yer maydonlarini loyihalash va auktsion savdolariga chiqarish, yer fondi toifalarini o’zgartirish yuzasidan loyiha hujjatlarini tayyorlash, qishloq xo’jaligi yerlarini soliqqa tortish uchun me'yoriy qiymatni hisoblash, uchuvchisiz qurilmalar orqali qishloq xo’jaligi yerlari va ekinlarini monitoring qilish hamda doktorantura yo’nalishida o’z faoliyatini olib boradi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram