Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
Axborot xizmati: FARG‘ONADAN XITOYGA GILOS EKSPORT QILINADI
2019-05-13 14:42:34 103
Farg‘ona viloyati hokimligi qabullar uyi binosida viloyat hokimi SHuhrat G‘aniev Wuxi Tianran Agriculture and Forestry Technology kompaniyasi direktori Rui Pong boshchiligida CHao Fenxua, Ren Rong, Xiang YAnliang, Xin Xianlardan iborat Xitoy Xalq Respublikasidan kelgan bir guruh tadbirkorlarni qabul qildi.
Uchrashuvda viloyat bojxona boshqarmasi xodimlari, “Sayqal” korxonasi rahbari Abdurahmon Niyozov, viloyat hokimligi xodimlari va OAV vakillari ishtirok etdilar.
Jiangsu provinsiyasining Osi shahridan kelgan Rui Pong o‘z korxonasi haqida ma’lumot berdi. Wuxi Tianran Agriculture and Forestry Technology asosan qishloq xo‘jaligi mahsulotlarini o‘rganish, etishtirish va qayta ishlash bilan shug‘ullanadi. YAngi uzilgan meva-sabzavotlarni saqlash, ishlov berish asosiy faoliyatlariga kiradi. Farg‘onaga kelishdan maqsad, bu erdagi eksportga etishtiriladigan gilos mahsulotini sotib olish va uni qayta ishlashdir.
-2017 yilda Pekin shahridagi yarmarkada birinchi marta O‘zbekiston giloslarini ko‘rganman, ular ekologik tozaligi va yirikligi hamda mazasi bilan bizga yoqadi, - deydi Rui Pong. – Farg‘onada qishloq xo‘jaligi mahsulotlarining katta hajmdagi bazasi borligini bilamiz. Bizda esa bunga yirik bozor bor. Bu yil yangi gilos xarid qilishni boshlaymiz. Ammo gilosni Xitoyga etkazib borishda muammo bor. YA’ni samolyotda olib ketish uchun sizning bojxona xizmatingizdan o‘tishi kerak bo‘lib, hozirda bojxona tekshiruvi asbob-uskunalari yo‘q. Farg‘ona aeroporti bizga yaqin. Farg‘ona-SHanxay reysi orqali to‘g‘ridan-to‘g‘ri Xitoy-SHarq aviakompaniyasi orqali mahsulotni olib ketishimiz mumkin.
Viloyat hokimi SH.G‘aniev xitoylik tadbirkorlarning tashrifidan mamnun ekanligini aytib, ularning takliflarini ma’qulladi. Farg‘onada o‘z bizneslarini boshlashlari uchun barcha sharoitlarni yaratib berishini bildirdi.
Delegatsiya a’zolari avvaliga 8 tonna gilos sotib olish, keyin esa uni qayta ishlash bilan shug‘ullanish istagini bildirdilar. SHuningdek, uchrashuv chog‘ida quritilgan va qadoqlangan o‘zbekiston giloslaridan namunalar namoyish qilindi.
Muzokara so‘ngida SH.G‘aniev “Farg‘ona” Xalqaro aeroporti hamda viloyat bojxona xizmati xodimlariga Xitoyga gilos eksportida qulaylik yaratish uchun kerakli topshiriqlar berdi. Natijada “Sayqal” korxonasi rahbari A.Niyozov bilan birgalikda qo‘shma korxona tuziladigan bo‘ldi. Bugungi kunda Davlatimiz rahbari ham bunday hamkorlik siyosatini qo‘llab-quvvatlab, tadbirkorlarga keng imkoniyatlar yaratib bermoqda.
Eslatib o‘tamiz, viloyat hokimi yaqinda Pekin shahrida bo‘lib o‘tgan “Bir makon, bir yo‘l” Xalqaro Forumida ishtirok etgan edi. Bunda Syan, Gongkong, SHanxay va boshqa shaharlar rahbarlari bilan muloqotda bo‘lib, kelgusi hamkorlik uchun rejalar tuzgan edilar.
