Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
ВИЛОЯТ ҲОКИМИ ЎРИНБОСАРИ АФВ ЭТИЛГАН 4 НАФАР ФАРҒОНАЛИК ФУҚАРОЛАР БИЛАН УЧРАШДИ
2022-04-23 15:25:14 61
Наврўз умумхалқ байрами арафасида Президент Шавкат Мирзиёев халқимизга хос эзгулик, бағрикенглик, инсонпарварлик, меҳр-оқибат ва кечиримли бўлиш каби олижаноб фазилатларнинг ёрқин ифодаси сифатида жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 75 нафар шахсни афв этиш бўйича фармонни имзолади.
Бугун Фарғона шаҳридаги Тадбиркорлар уйида вилоят ҳокимининг ўринбосари Жамшед Хатамов масъул идоралар раҳбарлари билан биргаликда ушбу фармон доирасида афв этилган 4 нафар фарғоналик фуқаролар билан учрашди. Мулоқот давомида уларнинг муаммолари, ижтимоий ҳаётга мослашиш йўлидаги режалари ўрганилди.
Афв этилган фуқароларга Президентимиз ва халқимизнинг ишончини оқлаб, жамиятда ўз ўринларини топишлари кераклиги яна бир бор тушунтирилди.
Хатоларидан пушаймонда эканликларини айтган юртдошларимиз, бағрикенглик ва эътибор учун миннатдорчилик билдирдилар.
Аввалдан спорт билан шуғулланиб келган Ҳусан Каримов яна ўз фаолиятини давом эттиришини маълум қилди. Равшан Умурзақов нон цехини, Шукурулло Абдулазизов мебелчилик ишини йўлга қўйиш истакларини айтдилар. Даврон Абдураҳмонов эса дўкон очиш нияти борлигини қайд этди. Уларга масъуллар томонидан тегишли маслаҳатлар берилди ва белгиланган тартибда кўмак кўрсатилиши, қўллаб-қувватланиши мутасадди идоралар вакиллари иштирокида келишиб олинди.
Бизни ижтимоий тармоқларда кузатинг
Facebook,
Telegram,
Facebook,
YouTube,
Instagram