Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
ФАРҒОНАДА ТУРКИЯНИНГ İMSİAD ТАРКИБИГА КИРУВЧИ КОМПАНИЯЛАР БИЛАН КЎП ТОМОНЛАМА ҲАМКОРЛИК ЙЎЛГА ҚЎЙИЛМОҚДА
2022-06-03 22:07:06 60
Вилоят ҳокими Хайрулло Бозоров вилоятимизга амалий ташриф билан келган Туркиянинг Бурса вилояти Қурилиш пудратчилиги саноатчилари ва тадбиркорлари уюшмаси – İMSİAD раиси Мустафа Андич бошчилигидаги турк тадбиркорларининг катта делегациясини қабул қилди.
Учрашувда турар-жойлар ва саноат объектлари қурилиши, қурилиш материаллари ва декоратив маҳсулотлар ишлаб чиқариш, мебелсозлик, заргарлик ва бошқа соҳаларда ҳамкорлик истиқболлари муҳокама қилинди.
Туркиялик ишбилармонлар Фарғона шаҳрида 300 гектар майдонда барпо этилаётган Экошаҳар лойиҳасида иштирок этиш истагини билдирдилар. Экошаҳар қурилишидан Туркия, Эрон, Япония, Корея каби мамлакатлар сармоядорлари ўрин олишгани, İMSİAD компаниялари учун ишончни янада мустаҳкамлаши қайд этилди.
Икки кун давомида вилоятимизда бўлиб турган ҳамда фарғоналик тадбиркорлар билан музокаралар ўтказган İMSİAD таркибига кирувчи компаниялар раҳбарлари, шунингдек, вилоятимизнинг Бувайда тумани тадбиркорлари билан ҳамкорликда замонавий технологияларни жорий этган ҳолда саноат усулида мебель ишлаб чиқариш ҳамда Марказий Осиё давлатларига экспорт қилиш режаларини ҳам баён қилдилар. Вилоятимиз ҳудудида жалюзи пардалар ишлаб чиқариш, заргарлик маҳсулотлари ишлаб чиқарувчи корхона ташкил этиш бўйича ҳам музокаралар бошлаб юборилган.
Хайрулло Бозоров бошчилигидаги Фарғона вилояти делегациясининг жорий йил февраль ойида Туркияга ташриф дастури доирасида Бурса Тижорат ва Саноат палатасида бўлиб ўтган учрашувда 200 га яқин компанияларни бирлаштирган İMSİAD уюшмаси билан ҳамкорлик тамали қўйилганди.
Бизни ижтимоий тармоқларда кузатинг
Facebook,
Telegram,
Facebook,
YouTube,
Instagram