1. Бош сахифа

ЎЗБЕКИСТОН ТУМАНИДА “ҲОКИМ ВА БИТИРУВЧИ ЁШЛАР УЧРАШУВИ” ЮҚОРИ КАЙФИЯТДА ЎТДИ

×

30 июнь - Ёшлар куни муносабати билан вилоятимизнинг барча шаҳар ва туманлари қатори Ўзбекистон туманида ҳам “Ҳоким ва битирувчи ёшлар учрашуви" бўлиб ўтди. 

Яйпан шаҳридаги Ўзбекистон ўйингоҳида ўтказилган тадбирда вилоят ҳокимининг ўринбосари Комила Кавлонова, туман секторлари раҳбарлари, жамоатчилик вакиллари қатнашдилар. 

Тадбир аввалида вилоят ҳокимининг ўринбосари Комила Кавлонова Фарғона вилояти ҳокимининг Ўзбекистон туманидаги битирувчи ёшларга йўллаган байрам табригини ўқиб эшиттирди.

Шундан сўнг сўз олган туман ҳокими Шерзоджон Юлдашев, тумандаги 71 та умумтаълим мактабларидан 3783 нафар ўқувчилар 9-синфни ва 2830 нафар ўқувчилар 11-синфни тугатганини қайд этиб, барча битирувчиларни табриклади. Бундан ташқари, 731 нафар ёшлар мавжуд 4 та профессионал таълим масканларини якунлаганлиги маълум қилинди.

Эътиборлиси, туманда 2021-2022 ўқув йилини тугатган 35 нафар 11-синф битирувчилари муддатидан олдин олий таълим муассасаларига ўқишга қабул қилинган.

Тадбирда битирувчиларнинг 71 нафари аъло ўқиши ва намунали хулқи учун олтин медалга, 10 нафари эса кумуш медалга сазовор бўлгани мамнуният билан таъкидланди. Уларга масъуллар иштирокида медаллар тантанали тарзда топширилди.

Ўзига хос ёшлар байрамига айланган тадбирда халқаро ва республика кўрик-танловларида, “Беш ташаббус олимпиадаси”нинг Республика якуний босқичида ғолиб бўлган ҳамда муддатидан олдин олий таълим муассасаларига қабул қилинган иқтидорли ёшларга вилоят ва туман ҳокимлигининг ташаккурнома ва совғалари топширилди. Ўғил-қизларнинг ҳаётда муносиб ўринларини топишларига тилак билдирилди. 

Битирувчи ёшлар вакиллари ҳам сўзга чиқиб, орзу-истаклари, мақсадлари ҳақида гапирдилар. Таълим берган устозларига миннатдорчиликлар билдиришди. 

Элимиз ардоғидаги актёр ва санъаткорларнинг чиқишлари барчага юқори кайфият бағишлади.

Бизни ижтимоий тармоқларда кузатинг
Facebook, Telegram, Facebook, YouTube, Instagram