1. Бош сахифа

ТУРКИЯ КОМПАНИЯСИ ФАРҒОНА ВИЛОЯТИДА ЭКОЛОГИК ТОЗА ТЕХНОЛОГИЯЛАРНИ ТАДБИҚ ЭТГАН ҲОЛДА ЧИҚИНДИНИ ҚАЙТА ИШЛАШ БЎЙИЧА ЛОЙИҲА ТАКЛИФИ ИШЛАБ ЧИҚИШДА ЯКУНИЙ БОСҚИЧГА КЕЛДИ

×

Вилоят ҳокими Хайрулло Бозоров Туркиянинг Klintek İnşaat ve Enerji компанияси раҳбарларидан иборат делегацияни қабул қилди.

Мулоқот чоғида Klintek İnşaat ve Enerji томонидан ишлаб чиқилаётган Фарғона вилоятида экологик тоза технологияларни тадбиқ этган ҳолда чиқиндини қайта ишлаш бўйича ташкил этиш режалаштирилаётган корхонанинг лойиҳа таклифи ҳолати муҳокама қилинди.

Вилоят ҳокими бошчилигидаги Фарғона вилояти делегациясининг жорий йил февраль ойида Туркияга ташрифи чоғида Klintek İnşaat ve Enerji компанияси билан илк музокаралар ўтказилганди. Март ойи охирида эса ушбу компания раҳбарлари вилоятимизга илк бор ташриф буюриб, лойиҳани амалга ошириш имкониятларини жойида ўрганишган ҳамда дастлабки таклифларини тақдим этишганди.

Қиймати 170 миллион евро бўлган корхона ишга туширилса, вилоятимизда кунлик 2,5 минг тоннагача бўлган чиқиндини қайта ишлаш ҳисобига йиллик 50 МВт электр энергияси ва 25 минг тонна ўғит ишлаб чиқарилади, чиқиндиларнинг катта қисми яна фойдаланиладиган буюмларга айлантирилади, 600 дан зиёд иш ўрни яратилади.

Klintek İnşaat ve Enerji компанияси раҳбарлари Мевлют Алдирмаз ва Селим Баликчи кеча Тошкентда Республика энергетика ва экология соҳаси масъуллари билан учрашиб, ушбу лойиҳа бўйича техник шартларни қайта кўриб чиқишди. Бугунги мулоқотда вилоят ҳокимига бу ҳақда маълумот берган туркиялик ишбилармонлар, Тошкентда муҳокама қилинган жиҳатларни ҳам ҳисобга олган ҳолда якуний лойиҳа таклифини келгуси ҳафтада тақдим этишларини билдиришди.

Ушбу лойиҳани муваффақиятли амалга ошириш бўйича ҳамкорлик ишлари давом эттирилади.

Бизни ижтимоий тармоқларда кузатинг
Facebook, Telegram, Facebook, YouTube, Instagram