1. Bosh sahifa

VILOYAT HOKIMLIGI XODIMLARI UCHUN KORRUPTSIYAGA QARSHI KURASHISH BO’YICHA O’QUV MASHG’ULOTI BO’LIB O’TDI

×

Viloyat hokimining tashabbusi bilan joriy yilning 23 mart - 4 aprel kunlari Yuristlar malakasini oshirish markazi professor-o’qituvchilari hamda amaliyotchi mutaxassislari tomonidan viloyat, tuman va shahar hokimliklarining xodimlariga “Halollik vaktsinasi” tamoyili asosida korruptsiyaga qarshi kurashish, manfaatlar to’qnashuvi va odob-ahloq qoidalari bo’yicha maxsus o’quv mashg’ulotlari o’tkazildi. Bugun viloyat hokimligi kichik majlislar zalida viloyat hokimligi xodimlari ishtirokida ushbu o’quv mashg’ulotlarining yakuniysi tashkil etildi.

O’quv mashg’ulotlarini o’tkazishdan maqsad Davlat organlari va tashkilotlari xodimlariga tizimda korruptsiyaga qarshi kurashish bo’yicha nazariy va amaliy bilimlar berishdan iborat.

Viloyat hokimligida tashkil etilgan tadbirda Adliya vazirligi qoshidagi Yuristlar malakasini oshirish markazi dotsenti, yuridik fanlar nomzodi Rafiq Shakurov tomonidan hokimlik xodimlarining korruptsiyaga qarshi kurashish sohasidagi davlat siyosatining asosiy yo’nalishlari, korruptsiyaga qarshi “komplayens-nazorat” tizimining kelib chiqishi, uning elementlari va asosiy yo’nalishlari, xodimlarning odob-axloq qoidalari va ularga rioya qilmaslik uchun javobgarlik, manfaatlar to’qnashuvi tushunchasi va uni hal qilish choralari yo’nalishlarida ma'ruza qilindi, misollar orqali tushunchalar berildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram