![](https://fergana.uz/uploads/sdfsdfsdfsdfsdfsdafsfdasdf.jpg)
Фарғона вилояти ҳокими
Бозаров Хайрулло Хайитбаевич
![](https://fergana.uz/images/img/flag-gerb.gif)
.
.
Сайтни бахолаш
Ишонч телефонига берилган бахолар
2023 ЙИЛДА ФАРҒОНА ШАҲРИДАГИ “WEGWEISER” НЕМИС ТИЛИ МАРКАЗИДА ТАЪЛИМ ОЛГАН ЁШЛАРДАН 250 НАФАРИ ЎҚИШ ЁКИ ИШЛАШ УЧУН ГЕРМАНИЯГА ЙЎЛ ОЛДИЛАР
![](https://fergana.uz/uploads/bot/dc3734cc75ec06495e81c.jpg)
2024-02-01 16:38:17 1459
Вилоят ҳокими Хайрулло Бозоров вилоят секторлари раҳбарлари билан бирга Фарғона шаҳридаги “Wegweiser” немис тили маркази фаолияти билан танишди.
3 йилдан бери фаолият юритиб келаётган ушбу ўқув маркази ўтган давр мобайнида 2000 нафардан зиёд ёшларга немис тили ўрганиш имкониятини яратди. 2023 йилда марказда таълим олган ёшлардан 250 нафари ўқиш ёки ишлаш учун Германияга йўл олдилар. Марказ томонидан Германиянинг “GFM Gruppe”, “Tank &Rast” va “Kaltech” ташкилотлари билан яқин ҳамкорлик йўлга қўйилган бўлиб, ўқиш ёки ишлаш учун ушбу мамлакатга бораётган битирувчиларнинг соғлиқ суғурта харажатлари қоплаб берилиб, арзон яшаш жойлари билан таъминланишда кўмаклашилмоқда.
Ҳозирги кунда ўқув марказида 500 нафардан зиёд ёшлар таълим олишмоқда. Булардан бир қисми ҳамширалик ва ҳайдовчилик фаолияти билан шуғулланиш учун Германияга йўл олишни режалаштираётган бўлса, 140 нафари Германияда дуал таълим олишни мақсад қилишган.
Ўқув маркази ижара асосида фаолият юритиб келаётган бино, ортиб бораётган талабни тўла қоплаш имкониятини тўла бермаслиги маълум бўлди. Вилоят ҳокими “Wegweiser” немис тили марказини фаолиятини янада ривожлантириш учун ўқув марказини фойдаланилмасдан бўш турган давлат объектларидан бирига белгиланган тартибда жойлаштириш бўйича масъулларга кўрсатма берди.
Вилоят раҳбари шунингдек, “Нажот таълим” ўқув марказининг Фарғона филиалида ҳам бўлди. Бугунги кунда ушбу ўқув марказида 700 нафардан зиёд ёшлар дастурлаш, дизайн ва маркетинг каби замонавий касбларни эгалламоқдалар. Эътиборлиси, битирувчиларнинг қарийб 95 фоизи доимий ва даромадли ишга эга бўлмоқдалар. Марказ раҳбарлари билан мулоқот қилган вилоят ҳокими, муассаса фаолиятини ривожлантириш учун ҳар томонлама кўмак берилишини билдирди.
![](https://telegra.ph/file/dc3734cc75ec06495e81c.jpg)
![](https://telegra.ph/file/d157c3edf5007e7dd68d4.jpg)
![](https://telegra.ph/file/d5ef66496f4e8fcf27e4e.jpg)
![](https://telegra.ph/file/b74dc80cbce3aadc37f4b.jpg)
![](https://telegra.ph/file/e9c342eb230056e0c6671.jpg)
![](https://telegra.ph/file/cbcfae06cee0f84886ec4.jpg)
![](https://telegra.ph/file/4eda3e48964865216cbd7.jpg)
![](https://telegra.ph/file/0097a6a1a2440bd6d2736.jpg)
![](https://telegra.ph/file/c206fabddc694d61e0ba7.jpg)
![](https://telegra.ph/file/e274f469dbe01b22cc73a.jpg)
Бизни ижтимоий тармоқларда кузатинг
Facebook,
Telegram,
Facebook,
YouTube,
Instagram