Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ҚЎҚОНДА ВА ФАРҒОНАДА ТУРКИЯНИНГ ESER HOTELS БРЕНДИ ОСТИДА БЕШ ЮЛДУЗЛИ МЕҲМОНХОНАЛАР ОЧИЛИШИ РЕЖАЛАШТИРИЛМОҚДА
2024-07-04 21:40:32 1543
Вилоят ҳокими Хайрулло Бозоров Туркиянинг Eser Hotels премиум меҳмонхоналар тармоғи раҳбари Эртан Халдун бошчилигидаги турк ишбилармонларини қабул қилди.
Вилоят ҳокими бошчилигидаги Фарғона вилояти делегациясининг жорий йил июнь ойининг бошида Туркияга амалий ташрифи давомида эришилган келишувларнинг давоми бўлган бугунги учрашувда дастлаб Қўқон шаҳрида, сўнгра Фарғонада Eser Hotels бренди остида беш юлдузли меҳмонхоналар очиш лойиҳаси муҳокама қилинди.
Икки кунлик ўрганишларидан келиб чиққан ҳолда Фарғона вилоятининг иқтисодий ва туристик салоҳиятини юқори баҳолаган Эртан Халдун, Қўқон шаҳрида режалаштирилаётган меҳмонхонанинг лойиҳа концепциясини бир неча кун ичида ишлаб чиқишларини билдириб, лойиҳани тез муддатда амалга ошириш учун инвестициялар йўналтиришга тайёр эканликларини маълум қилди.
Вилоятимизга туристлар, шу жумладан, хорижлик сайёҳлар оқими тобора кўпайиб бораётганини, бу эса ўз навбатида бренд меҳмонхоналарга бўлган эҳтиёжни шакллантираётганини қайд этган вилоят ҳокими, Eser Hotels брендининг Фарғонага кириб келиши ортидан бошқа халқаро брендлар ҳам вилоятимизга эътибор қаратишига ишонч билдирди.
Вилоят раҳбари лойиҳани тез ва муваффақиятли амалга ошириш учун ҳар томонлама қўллаб-қувватлашга тайёр эканликларини маълум қилди.
Бизни ижтимоий тармоқларда кузатинг
Facebook,
Telegram,
Facebook,
YouTube,
Instagram
