1. Бош сахифа

КЕЛГУСИ ЙИЛ ҲОСИЛИ УЧУН БУ ЙИЛ ҚАЙҒУРИШ КЕРАК

×

Жорий йилнинг 3 ноябрь куни вилоят Қишлоқ ва сув хўжалиги бошқармаси биносида марказий студия ташкил қилиниб, вилоят бўйича масъул раҳбарлар ва ходимлар иштирокида куз-қишки қишлоқ хўжалиги соҳасига оид айрим масалалар юзасидан йиғилиш бўлиб ўтди. Ушбу йиғилишда ИИб масъул ходимлари, вилоят ва туман ҳокимликлари қишлоқ хўжалиги ишлари бўйича ўринбосарлари ва бошқа масъул ходимлар иштирок этдилар. 
Йиғилишни вилоят ҳокими Шуҳрат Ғаниев олиб борди. Унда қишлоқ хўжалигига оид қатор масалалар муҳокама қилинди.
Экиндан бўшаган ерларни шудгор қилиш бўйича отряд ташкиллаш бугуннинг долзарб вазифасидир. Бунинг учун вилоятда мавжуд 500 та трактор кучидан самарали фойдаланиш учун ҳар бирига масъул сифатида ИИБ ходимлари бириктирилди ҳамда Занжирли техника, кейс техникаси ва ҳоказо техника турларининг қуввватига қараб 105 минг гектар шудгорланадиган майдонлар тақсимлаб берилди. Шунингдек, ҳар кунги баажарилган иш юзасидан отряд раҳбари, ИИБ ходими ва фермер ахборот бериши тайинланди.
Қишга кириш олдидан ерларни қарталарга бўлиш масаласи ҳам, албатта, кутиб турмайдиган масалалардан биридир. Бу бўйича ҳам отряд тузилиб, 80 минг гектар ерга ишлов берилади. Ушбу масала бўйича ҳар бир туманда сув хўжалиги бошлиғи масъул ҳисобланади. Зеро шўри ювилган, яхши ишлов берилган ер кейинги йил ҳосилининг гаровидир. Шунингдек, йиғилишда коллекторлардан чиққан тупроқларни ёйиш, ер майдонларига қўшиш, ер майдонларини кенгайтириш, 114 минг 600 гектар ерга дон экиш ва парваришлаш масалалари ҳам муҳокама қилинди.
Фарғона вилояти ҳокимлиги матбуот хизмати