Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
Фарғонада Халқаро илмий-амалий конференция: Онкология соҳасида муаммо ва ечимлар
2018-11-09 11:02:33 74
Фарғона шаҳрида 9-10 ноябрь кунларига белгиланган “Ўсма касалликлар профилактикаси, скрининг, канцер-регистрнинг долзарб муаммолари” мавзусида XV Халқаро илмий-амалий конференция бугун ўз ишини бошлади.
Бугун эрталаб соат 8.00 да Фарғона шаҳридаги “Тадбиркорлар маркази” биносида ана шу конференциянинг очилиш маросими олдидан чет эллик соҳа мутахассислари ҳамда республика бўйича етакчи мутахассислар ва вилоят журналистлари иштирокида матбуот анжумани бўлиб ўтди. Мутахассислар журналистларни қизиқтирган саволларга жавоб бердилар. Савол-жавоблар жараёнида долзарб муаммоларга диққат қаратилди.
Тантанали очилиш маросими эса бинонинг катта мажлислар залида бошланди. Унда вилоят ҳокимининг ўринбосари вазифасини бажарувчи Файзулла Қосимов кириш сўзи билан анжуманни очди. Ушбу конференцияда жаҳоннинг Англия, Украина, Чехия, Туркия, Кирғизистон, Беларусь, Россия, Қозоғистон каби мамлакатларидан мутахассислар қатнашдилар.
Конференцияда сўз олган вилоят соғлиқни сақлаш бошқармаси бошлиғи О.Умаров ўз нутқини конференция ишига омад ҳамда халқимизга соғлик тилаш билан якунлади.
РСНПМЦОиР нинг илмий йўналиш бўйича директор ўринбосари А.Юсупбеков маъруза билан иштирок этди.
Анжуманнинг азиз меҳмони – Англиядан ташриф буюрган Сью Коэн хонимнинг “Англияда кўкрак бези раки скринингини жорийлаш тажрибаси” мавзусидаги маърузаси ҳам қизғин кутиб олинди.
Конференция давом этмоқда. Эртага, 10 ноябрь кунги тадбирлар вилоят Онкология марказида бўлиб ўтади.
Вилоят ҳокимлиги матбуот хизмати