Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
Футбол ЦЕМЕНТЧИЛАР БЕЛЛАШУВИ
2018-11-27 11:07:53 74
Шу йил 21 ноябрда Яйпандаги марказий стадионда футбол бўйича вилоят кубогининг финал учрашуви ўтказилди. Майдон эгалари-тумандаги цемент заводи оталиғидаги “Турон” жамоаси Қувасойнинг “Цементчи” жамоасини қабул қилди. Маҳаллий санъаткорлар учрашув бошланиши олдидан мухлисларга куй-қўшиқлар ҳадя этиб, уларга кўтаринки руҳ бағишлашди.
Иккала томон ҳам ғалабани қўлга киритиш учун бор куч ва имкониятларини ишга солди. Аксари ишқибозлар ғалаба майдон эгалари томонида бўлади, деб қаттиқ ишонган эдилар. Чунки “Турон” таркибида Мўйдин Мамазулунов, Отабек Исроилов, Собир Ҳамидов ҳамда Шоҳруҳ Холматов каби Ўзбекистон футболининг супер лигасида тўп сурган машҳур футболчилар бор эди.
Лекин амалда ишқибозлар тахмини ўзини оқламади. Янги кучлар билан бойитилган Қувасой жамоаси устунликни қўлга олиб, яйпанликлар дарвозасига кетма-кет голлар киритди. Абдуқодир Артиков ҳамда Элёр Мўйдиновлар киритган голларга “Турон” ҳужумчиси Мўйдин Мамазулунов битта гол билан жавоб қайтара олди, холос. Шу тариқа учрашув 2:1 ҳисобида қувасойликлар фойдасига ҳал бўлди.
Аммо мутахассислар тўғри таъкидлаганидек, бу баҳсда ҳеч ким ютқазмади. Чунки Яйпан жамоаси аллақачон иккинчи лига мусобақасида ғолиб чиқиб, келгуси йили Ўзбекистон футбол чемпионатининг пролигасида ўйнаш ҳуқуқини қўлга киритган. “Цементчи” эса вилоят кубогининг 2018 йилги ғолибига айланди. Шу боис учрашув охирида мухлисларнинг гулдурос қарсаклари остида вилоят футбол ассоциациясининг биринчи вице президенти Расулжон Йўлдошев ва Ўзбекистон туман ҳокими ўринбосари Исроил Турсунов ғолибларга соврин ва мукофотларни тантанали равишда топширдилар.
-Мен жуда кўп футбол мусобақаларини кузатганман, – дейди “Нефтчи” футбол жамоасининг ахборотчиси Ҳожиакбар Жабборов. – Лекин бугунги учрашувдаги файз ва ажойиб кайфиятни ҳеч ерда учратмаганман. Яйпандаги беллашувга вилоят футбол ассоциацияси, Ўзбекистон тумани ҳокимлиги ва Яйпан цемент корхонаси раҳбарлари катта масъулият билан тайёргарлик кўрганликлари биз мухлисларни жуда қувонтирди.
Дониёр ЭРГАШЕВ.