Shrift o'lchami Rang Rasm

Telegramm Youtube

VIRTUAL QABULXONA

INTERAKTIV XIZMATLAR

NORMATIV XUJJATLAR

Sektorlar faoliyati

OCHIQ MA‘LUMOTLAR

ASOSIY STATISTIK AXBOROTLAR

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
<< May 2020 >>
DUSECHPAJUSHYA
    123
45678910
11121314151617
18192021222324
25262728293031

.

.

Farg'ona viloyati investitsion salohiyati

Saytni baholash




Yangiliklarga obuna bo'lish

Hozir saytda 72 nafar foydalanuvchi Ishonch telefoni statistikasi
Ishonch telefoniga berilgan baholar

Matnda xatolik ko'rdingizmi?

Sichqoncha bilan belgilab

ONA YER QIZIGA YUKSAK EHTIROM

×

 2020-03-05 20:07:05    385

PDF yuklash
Chop etish


     Bayram arafasida O’zbekiston Qahramoni, senator Lolaxon Murotova Prezidentimizning ehtirom tabrigini qabul qildi.

     Kimdir jonim fido, senga Vatanim, deya xitob qilarkan, ortida oilasi, jigarbandlari uning suyanchiqlari turganini biladi va u shu omildan kuch-quvvat oladi. Bizning Lola opa esa Vatan suvratini joniga tutashgan dalalarda ko’radi. Uning ishongani, suyangani, bu dunyoda topgan nodir dunyosi Ona YEr. U yer bilan tillashadi, yer bilan sirlashadi.

      Tuproqning na shakli-shamoyili bor, na muattar hidi?! Lekin oltinu olmoslar uning bag’rida, eng nafis va xush ifor gullar undan unadi. Ana shu qutlug’ ne'mat Lola opa singari tuproqsevar insonlarga behisob in'omlar bilan birga qadriabadlik va ulug’lik maqomini ham beradi.

      Jasoratli o’zbek ayolining chinakam timsoli - Lolaxon Murotovaning uzoq yillik mehnatlari qadr topgan kunlariga guvoh bo’lish uning yelkadoshlari uchun ham sharaf. Qahramonning dalalarida ko’klam nafasi kezib, bahorning mo’'jizaviy hislati aks etayotgan bayramona kunlarda unga Prezidentimizning otashin salomi yo’g’rilgan ehtirom tabrigi va sovg’asi keldi.

O’sha daqiqalarda yurtimiz rahbari Shavkat Mirziyoyev telefon orqali Lolaxon Murotovani kirib kelayotgan 8 mart-Xalqaro xotin-qizlar kuni munosabati bilan qizg’in muborakbod etdi.

    Opaning xonadoni Yurtboshining yuksak ehtirom ziyosi bilan nurlandi. Xonadonga tashrif buyurgan O’zbekiston Respublikasi Oliy Majlisi Senati raisi Tanzila Norboyeva,Farg’ona viloyat hokimi Shuhrat G’aniyev va viloyat faollari O’zbekiston Qahramoni bilan diydorlashib, Prezident e'tibori zamirida xalqimizning mehri va e'zozi mujassam ekanini e'tirof etishdi.

   O’z navbatida qahramon ayol mamlakat Prezidentiga bunday hurmat va e'tibor uchun tashakkur bildirarkan, bundan buyon ham elimiz farovonligi, dasturxonlarimiz to’kinligi yo’lida fidoiylik bilan mehnat qilishga, azmu shijoatini Ona Vatan istiqboliga baxsh etishga so’z berdi.

   Tuproqsevar ko’ngilga, jasoratli ayol qalbiga ming ta'zim!

Farg’ona viloyati hokimligi Axborot xizmati

Facebook, Telegram, Veb sayt, YouTube