Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ФАРҒОНА ТУМАНИГА ҲОКИМ ТАСДИҚЛАНДИ
2020-07-17 14:47:46 81
Бугун Халқ депутатлари Фарғона туман кенгашининг навбатдан ташқари сессияси бўлиб ўтди.
Сессияда халқ депутатлари туман Кенгаши депутатлари, Фарғона тумани ҳокимининг ўринбосарлари, тумандаги давлат ва жамоат ташкилотлари раҳбарлари, ҳуқуқ-тартибот идоралари раҳбарлари шунингдек, оммавий ахборот воситалари вакиллари иштирок этди.
Сессияда Фарғона вилояти ҳокими Шуҳрат Ғаниев сўзга чиқиб, одамлар раҳбарлардан ўзгаришлар қилишни кутаяпти, ёшлар иш ўрни очилишини истайдилар. Афсуски, Фарғона туманининг собиқ раҳбари маҳаллийчиликка, ўзбўларчиликка йўл қўйди. Депутатлар, жамоат ташкилотлари билан ҳамжиҳатликда ишни ташкил қила олмади. Ҳолбуки, Фарғона тумани халқи меҳнатсевар, ҳалол, тўғрисўз, қонунни ҳурмат қиладиган инсонлардир, деди. Туманда янги корхоналар ташкил этилди, қишлоқ хўжалиги маҳсулотлари ҳажми кўпайтирилди, аммо экспорт имкониятларидан ҳамон самарали фойдаланилмаяпти. Жиноятчилик ўсиб бормоқда. Биргина, Фарғона туманининг фарзанди, Ўзбекистон халқ шоири Охунжон Ҳакимовнинг беназир ижоди ҳамда улуғ инсоний фазилатлари мисолида ҳам ёшлар ўртасида тарғибот-ташвиқот ишларини йўлга қўйиш мумкин эди, деди вилоят ҳокими.
Сессияда ташкилий масала кўрилди.
Фарғона вилояти Ички ишлар бошқармаси бошлиғининг ўринбосари вазифасида ишлаб келаётган Шуҳрат Мўминов Фарғона тумани ҳокими этиб тасдиқланди.
Фарғона вилояти ҳокимлиги Ахборот хизмати.
