Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
РЕСПУБЛИКА ЧЕМПИОНАТИ ЯКУНЛАНДИ
2017-11-22 12:18:39 67
Фарғона шаҳридаги олимпия захиралари коллежида шу йилнинг 18– 21 ноябрь кунлари турон якка кураши бўйича 1997 йилда туғилган спортчилар ўртасида Ўзбекистон чемпионати ва 20 ёшдан юқори бўлган эркак ва аёллар ўртасида Ўзбекистон мутлоқ чемпионати бўлиб ўтди.
Унда республикамизнинг барча вилоятларидан 300 нафардан зиёд спортчилар 24 та вазн тоифасида ўзаро беллашди.
Чемпионатда Фарғона турон миллий якка кураши федерацияси мураббийларидан “Шуҳрат” медали соҳибаси Гулчеҳрахон Абдурасулова, Мирзоҳид Йигиталиев, Расулжон Узоқов, Жасурбек Қодиров, Шукрулло Сотволдиевларнинг шогирдлари юқори натижаларни қайд этишди. Фарғоналиклар республика чемпионатида 6 та олтин, 8 та кумуш, 6 та бронза, республика мутлоқ чемпионатида эса 3 та олтин, биттадан кумуш ва бронза медални қўлга киритишди. Ёдгор Каримов, Рустам Абдураимов, Дилмурод Абдужабборов, Низомиддин Исроилов, Муҳаммадбобур Назиров, Аброр Олимжонов, Ойбек Ҳайдаров, Саида Олимова, Моҳигул Одилжоновалар ўз вазн тоифаларида 1-ўринни эгаллашди. Ҳилола Каримбердиева, Фарида Ҳакимова, Хурсаной Йўлдошевалар ҳам шоҳсупанинг 2-3-поғонасини забт этишди. Вилоят турон якка кураши федерацияси спортчиларидан 34 нафари беллашувларда фаол қатнашди.
– Бухоро вилоятидан келдим,-дейди Солижон Каримов. – Финалда фарғоналик рақибимга ютқазиб қўйдим. Бундан асло хафа эмасман. Фарғонада кўплаб дўстлар орттирдим.
Ғолиб ва совриндорлар республика, вилоят турон якка кураши федерациясининг қимматбаҳо эсдалик совғалари ҳамда диплом билан тақдирландилар.