1. Бош сахифа

Фарғона вилояти ҳокимлиги Ахборот хизматининг БАЁНОТИ

×

Ахборот хизматининг БАЁНОТИ

    Аслида “Озодлик” тарқатган бу хабарга муносабат билдириш шарт эмасди. Аммо аллақачон мавзу топа олмай қолган “Озодлик”чилар давлат идораларини обрўсизлантириш учун энди ахборотни ўйлаб топаётганлари кулгули ҳолдир. Уларнинг “@sizdantelegram” рукунидаги хабарига кўра, гўё Фарғона вилоятида бўлиб ўтган ҳосил байрамидаги улоқ муобақасида ғолибни аниқлашда ғирромлик қилинган эмиш. Эмишки, ғолиб улоқчининг оти вилоят ҳокимлиги қишлоқ хўжалиги котибияти мудирига тегишли экан.

    Хабарнинг на муаллифи, на манзили бор. Фақат миш-миш.

    Ҳа, шундай қилиб “Озодлик”нинг навбатдаги миш-миши ҳам ёлғон бўлиб чиқди. Нега дейсизми? Ахир улоқ марду-майдонлар мусобақаси-да. У ўн минглаб томошабинлар кўз ўнггида рўй беради ва ғолиб ҳам элнинг назарида аниқланади.

   Фарғона вилоятида қишлоқ хўжалиги ходимлари байрами доирасида уюштирилган улоқнинг бош соврини “Нексия-3” автомобили Данғара туманидан бўлган чавандоз Бехзод Мухаммадиевга насиб қилган. У бир неча юз чавандозлар орасига оти билан ёриб кириб, улоқни даст кўтариб тақимига босдию, давра айлантириб маррага ташлаган. Ишқибозлар жўр бўлиб “ҳалол,ҳалол” дедилар. Ҳакамлар ҳам бир овоздан уни ғолиб деб топдилар.

-Отам, бобом ҳам чавандоз бўлганлар. Мен ҳам улар йўлидан бордим. Ўзим деҳқонман. Лекин “Қораполвон” лақабли отим билан бошқа вилоятлар, шунингдек қўшни Тожикистон, Қирғизистонда ўтадиган улоқларда иштирок этиб, кўп бор ғолиб бўлганман. Фарғонада кўп моҳир чавандозлар бор эди. Лекин, “Қораполвон”им яна ўзини кўрсатди,-дейди Бехзод Муҳаммадиев. “@sizdantelegram”даги хабарни шарҳлар экан.-Улоқда ғирромлик бўлмайди.      

                                           Фарғона вилояти ҳокимлиги Ахборот хизмати