Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ВИЛОЯТИМИЗДА “АРМИ – 2022” ХАЛҚАРО АРМИЯ ЎЙИНЛАРИ ДОИРАСИДА “ЙЎЛ ПАТРУЛИ” ХАЛҚАРО МУСОБАҚАСИ БЎЛИБ ЎТАДИ
2022-08-12 10:12:06 58
Миллий армиянинг куч-қудрати ва салоҳияти, юрт ҳимоячиларининг касбий тайёргарлигини амалда яққол намоён этадиган “АрМИ – 2022” Халқаро армия ўйинларининг бу йилги “Йўл патрули” мусобақасига Фарғона вилояти мезбонлик қилмоқда.
16 август куни старт оладиган “Йўл патрули” мусобақаси ўтказиладиган Шарқий ҳарбий округ таркибига кирувчи Қўқон шаҳридаги ҳарбий қисм ўқув марказида баҳсларга тайёргарлик жараёни қизғин паллага кирган. Унда Беларусь, Марокаш, Эрон Ислом Республикаси, Россия Федерацияси ва Ўзбекистоннинг икки жамоаси совринли ўринлар учун кураш олиб бориши режалаштирилган. Бугунги кунда иштирок этадиган жамоалар вилоятимизга етиб келишди.
Мусобақа иштирокчилари – ҳарбий автомобиль назорати инспекцияси мутахассислари бу йилги “Йўл патрули” мусобақасида 98 от кучига эга, двигател ҳажми 1,5 литр сиғимли механик бошқарув тизимли Нексия-3 русумли автомобилларда ўзларига топширилган вазифаларни бажаришади.
“Йўл патрули” баҳслари икки босқичда – мутахассислар беллашуви ҳамда ҳарбий-техник эстафета (жамоавий пойга) кўринишида ўтказилади. Дастлабки босқичда иштирокчилардан автомобилларни экстремал вазиятларда аварияга қарши элементларни бажариш маҳорати, белгиланган маршрутда индивидуал пойга, инспекторлар томонидан йўл ҳаракатини бошқариш, машина ғилдиракларини алмаштириш ва автомобилни экстремал ёнма-ён тўхтатиш машқларини бажариш талаб этилади.
Ҳарбий-техник эстафета (жамоавий пойга) ҳисобланувчи иккинчи босқичда эса махсус кийим ва жанговар қурол билан махсус асфальт йўлагини босиб ўтадилар. Йўлакни босиб ўтиш жараёнида мусобақа қатнашчилари ўзларига бириктирилган автомобилларда ўрнатилган тўсиқлардан бехато ўтиш ва турли синов машқларини бажаришади.
“Йўл патрули” мусобақасида қатнашаётган мамлакатимизнинг ҳар икки жамоаси ҳамда меҳмонлар юқорида санаб ўтилган баҳслар бўйича пухта тайёргарлик кўришган.
Бизни ижтимоий тармоқларда кузатинг
Facebook,
Telegram,
Facebook,
YouTube,
Instagram
