Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
Mavsumning eng mas’uliyatli pallasi
2018-05-21 16:24:45 93
Ayni kunlarda viloyatimizda joriy yilgi
g‘alla mavsumini uyushqoqlik bilan o‘tkazish maqsadida keng ko‘lamli sa’y-harakatlar
olib borilyapti. Bu borada viloyat hokimligi tomonidan ishlab chiqilgan chora-tadbirlar
rejasi asosida barcha shahar-tumanlarda mavsumning barcha ishtirokchilari bilan
yuzma-yuz muloqotlar, amaliy seminarlar o‘tkazilyapti.
Shu yilning 17 may kuni viloyat hokimi
Shuhrat G‘anievning Qo‘qon hududi tumanlarida g‘alla mavsumi qatnashchilari bilan uchrashuvlari bo‘lib
o‘tdi.
-
Mehnatlar
samarasi ko‘rinadigan kunlarga yaqin qoldi. Elimizning rizq-nasibasi bo‘lgan g‘allani
o‘z vaqtida va sifatli yig‘ib olish eng mashaqqatli, katta mas’uliyat talab qiladigan
yumush, – dedi viloyat rahbari Uchko‘prik tumanidagi “Salang texnika servis” MCHJda
tahlil va tanqid ruhida tashkil etilgan amaliy seminarda. – Shu bois ishtirokchilarga
munosib shart-sharoit yaratish, ularning bilim va amaliy ko‘nikmalarini oshirish
maqsadida mavsum davomida barcha hududlarda uch marotaba shu kabi amaliy seminarlar
o‘tkazish rejalashtirilgan.
Ta’kidlash joizki, bu yilgi g‘alla mavsumida
viloyatimizda 324 ta o‘rim-yig‘im otryadlari tashkil etildi. Viloyatimizning
111 ming gektardan ziyod maydonida yetishtirilgan g‘allani belgilangan muddatda
o‘rib olish uchun 324 ta kombaynlar faoliyat ko‘rsatadi. Bu texnikalarning 113 tasi
Keys, Nyu-Xolland, 211 tasi esa Klaas-Dominator-130 rusumli zamonaviy hamda yuqori
unumli kombaynlar hisoblanadi. Shu bilan birga mavsum mobaynida otryadlarga
1710 ta texnika vositalari, 1740 ta don tashiydigan yuk avtomobillari, 165 ta ko‘chma
ustaxonalar hamda 115 ta yoqilg‘i tashish vositalari biriktirildi.
Viloyat hokimligi tomonidan har bir otryad
rahbari va otryad rahbari o‘rinbosari 1,5 million so‘m, kombayn haydovchilari 1
million so‘mdan naqd pul mukofoti bilan rag‘batlantirildi. Mavsumni betalofot o‘tkazish
uchun “Yo‘l xaritasi” ishlab chiqilib, oziq-ovqat, yoqilg‘i-moylash mahsulotlari
ta’minoti, texnika, yong‘in xavfsizligi hamda har qanday ko‘rinishdagi qonunga xilof
xatti-harakatlarning oldini olishga qaratilgan muhim chora-tadbirlar rejasi belgilandi.
Ayni kunlarda barcha hududlarda viloyat
hokimi, huquqni muhofaza qiluvchi idoralar hamda tegishli boshqarma va bo‘limlar
rahbarlari ishtirokida g‘alla mavsumini betalofot o‘tkazishga bag‘ishlangan amaliy
seminarlar bo‘lib o‘tmoqda.
Botir MADIYOROV.
Suratni Sherzod QORABOEV olgan.
Mavsumning
eng mas’uliyatli pallasi