1. Bosh sahifa

FARG’ONADAGI BARAK UYLAR O’RNIGA ZAMONAVIY KO’P QAVATLI TURAR-JOYLAR BARPO ETILADI, YASHOVCHILARGA YANGI UYLARDA ESKI XONADON MAYDONIDAN KAM BO’LMAGAN XONADON BERILADI

×

Viloyat hokimi Xayrullo Bozorov, Farg’ona shahridagi aholi yashash sharoitlari hamda mavjud muammolarni mahallabay joyida o’rganishlar doirasida shahardagi Simtera, Ibrat va Tabassum va Yoshlar MFY hududlarida joylashgan barak uylardagi holat bilan tanishdi.

50-60 yillar avval qurilgan bu uylarda devorlarning zaxlab ketgani, tomlardan chakka o’tishi, binolarning fasadlari ayanchli ahvolda ekani, isitish va suv ta'minoti, kanalizatsiya bilan bog’liq muammolar talaygina ekaniga guvoh bo’lindi.

Viloyat rahbari bu uylarda yashovchi fuqarolar bilan muloqot chog’ida, aholi yashash sharoitlarini yaxshilash bo’yicha rejalashtirilayotgan ishlar haqida to’xtalib o’tdi.

Rejaga muvofiq, har bir alohida uy bo’yicha manzilli ish tashkil etiladi, shu uydagi barcha xonadon a'zolarining roziligi olingach, bino o’rniga zamonaviy, rivojlangan infratuzilmaga ega ko’p qavatli turar-joy barpo etish uchun tadbirkorlik sub'ekti jalb etiladi. Xonadon egalari yangi bino qurib bitkazilgunga qadar vaqtincha yashash joyi bilan ta'minlanadi, mahalliy hokimiyat kafilligi ostida yangi turar-joy binosida ularga eski xonadonlari maydonidan kam bo’lmagan yangi xonadon ajratib beriladi.

Bizni ijtimoiy tarmoqlarda kuzating
Facebook, Telegram, Facebook, YouTube