Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONADA “SO’NGGI QO’NG’IROQ” TADBIRLARI KO’TARINKI KAYFIYATDA TASHKIL ETILDI
2021-05-27 09:58:52 66
Bu yil Farg’onada viloyatidagi 948 ta umumta'lim maktablarida jami 47514 nafar 11-sinf, 55093 nafar 9-sinf o’quvchilari o’quv yilini yakuniga yetkazmoqdalar. 36965 nafar o’g’il-qizlar oliy ta'lim muassasalariga, 5140 nafar yoshlar texnikumlarga hujjat topshirib, ta'lim olishni davom ettirish istagini bildirganlar.
Bitiruvchilarga muvaffaqiyat tilash maqsadida barcha hududlarda maktab hayotida muhim o’rin tutgan “So’nggi qo’ng’iroq” tadbirlari tantanali tarzda tashkil etildi. Farg’ona shahridagi 10-umumta'lim maktabida o’tgan ana shunday tantanalarda viloyat hokimi Xayrullo Bozorov ishtirok etdi.
Viloyat rahbari dastlab Prezidentimizning mamlakatimiz maktablarini bitiruvchi o’g’il-qizlarga yo’llagan tabrigini o’qib eshittirdi. Yoshlarni mustaqil hayotda o’z o’rinlarini topishlari, davlatga, jamiyatga nafi tegadigan mutaxassislar bo’lib yetishishlariga umid bildirdi.
“Dunyo o’zgaryapti, talab o’zgaryapti. Kattadan katta islohotlar amalga oshirilmoqda. Xalqimizni rozi qilish, fuqarolarimizning farovon yashashlariga hissa qo’shish eng muhim masalaga aylandi. Bu borada eng katta e'tibor ta'limga qaratilmoqda. Chunki, davlatning rivojlanishida ta'lim-tarbiya muhim ahamiyat kasb etadi.
Ko’rib turibmiz, yoshlarning qalbida judda katta his-tuyg’ular, orzular jo’sh urib turibdi. Barchangizga oliy o’quv yurtlari imtihonlarida, kasb-hunar o’rganishingizda omad tilaymiz,” dedi Xayrullo Bozorov.
Shundan so’ng maktabning iqtidorli o’quvchilari tomonidan tayyorlangan badiiy chiqishlar ishtirokchilar e'tiboriga havola etildi. “So’nggi qo’ng’iroq” sadolari esa tantanalarga yakun yasadi.
Bizni ijtimoiy tarmoqlarda kuzating
Facebook,
Telegram,
Facebook,
YouTube