Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
КОНДИЦИОНЕРЛАР ВА ВЕНТИЛЯТОРЛАР ИШЛАБ ЧИҚАРИШДА МДҲДА ЕТАКЧИЛАРДАН ҲИСОБЛАНГАН “ВEЗА” КОМПАНИЯСИ ФАРҒОНА ВИЛОЯТИ БИЛАН ҲАМКОРЛИК ЎРНАТМОҚДА
2021-06-16 14:49:54 73
Вилоят ҳокими Хайрулло Бозоров Россиянинг “Вeза” компанияси вакилларини қабул қилди.
Ўзаро ҳамкорлик ўрнатиш масаласи муҳокама қилинган мулоқот давомида “Вeза” компанияси раҳбари Андрей Дерепасов ва компаниянинг Ўзбекистондаги ваколатхонаси директори Олeг Аксeновлар Россия компаниясининг бугунги кундаги фаолияти ҳақида маълумот бердилар.
“Вeза” компанияси 1995 йилда ташкил этилган бўлиб, кондиционерлар, вентиляторлар ва бошқа шунга ўхшаш ускуналарни ишлаб чиқариш бўйича тўлиқ технологик циклга эга. Унинг Россия, Украина ва Белоруссия каби давлатларда корхоналари бор ва ўз йўналишида МДҲ давлатларида етакчилардан бири ҳисобланади.
Компания мутахассислари саноатнинг ўзига хос хусусиятларини ҳисобга олган ҳолда ядро, нефть ва газ, кимё, енгил саноат учун махсус ускуналар дизайнини ишлаб чиққанлар.
Шунингдек, компания мижозларга ускуналар етказиб беришда, лойиҳаларни ҳисоблашда ва ускуналарни танлашда илмий-техник ёрдам беради. Бундан ташқари ўқув семинарлар ташкил этилиб, ускуналардан фойдаланиш тартиблари ишчиларга ўргатиб борилади.
Учрашувда Фарғона вилояти “Вeза” компанияси маҳсулотларини ишлаб чиқаришни йўлга қўйишда муҳим салоҳиятга эга эканлиги, қўшни Тожикистон, Қирғизистон, шунингдек, Эрон ва бошқа давлатларга маҳсулотларни экспорт қилиш имконияти юқорилиги эътироф этилди.
Ушбу жиҳатлардан келиб чиқиб, томонлар ўзаро ҳамкорлик алоқаларини мустаҳкамлашга келишиб олишди.
Бизни ижтимоий тармоқларда кузатинг
Facebook,
Telegram,
Facebook,
YouTube
