1. Bosh sahifa

PREZIDENT MASLAHATCHISI O’RINBOSARI FARG’ONA SHAHRIDA SAYYOR QABUL O’TKAZDI

×

Bugun Farg’ona shahrida Prezident Administratsiyasining Fuqarolar huquqlarini himoya qilish va murojaatlar bilan ishlash masalalari bo’yicha maslahatchisi o’rinbosari Alisher Usmanovning hudud aholisi uchun sayyor qabuli o’tkazildi.

Sayyor qabulda shuningdek, Adliya vaziri o’rinbosari Muzraf Ikramov, Oliy sud raisi o’rinbosari Xalilillo To’raxo’jayev, viloyat hokimi o’rinbosari Xurshidjon Ahmedov, O’zbekiston Respublikasi Prezidentining viloyatdagi Xalq qabulxonasi mudiri Abduxoshim Abdullayev, shahar 4 ta sektor rahbarlari hamda viloyat boshqarma va tashkilotlari rahbarlari ishtirok etdilar.

“Inson qadrini ulug’lash va faol mahalla yili”da shahardagi Oqariq MFYda o’tgan qabulda Oqariq, Sohibkor, Nafosat mahallasidan kelgan 100 ga yaqin fuqarolarning turli masalalardagi murojaatlari ko’rib chiqildi.

Sayyor qabulda ijtimoiy hayotning barcha sohalari bo’yicha xususan, uy-joyga egalik huquqini belgilash, imtiyozli kredit ajratish, davolanish uchun ko’mak, asalarichilikni rivojlantirish, mebel ishlab chiqarish, sport maydonchasi tashkil etish uchun yer maydoni ajratish, nogironlik aravachasi olish, ishga joylashish, kommunal xizmat sifatini yaxshilash kabi masalalar yuzasidan murojaatlar qabul qilindi.

Ko’tarilgan murojaatlarning bir qismi qabul chog’ida ijobiy hal etildi. Ayrim fuqarolarning murojaatlari mas'ul idoralarga o’rganib chiqish va belgilangan muddatlarda hal etish uchun topshirildi va ijrosi nazoratga olindi. Qonuniy jihatdan qanoatlantirish imkoniyati mavjud bo’lmagan murojaatlar bo’yicha ham tegishli tushuntirishlar berildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram