1. Bosh sahifa

BATKEN TUMANI HOKIMI BOSHCHILIGIDAGI DELEGATSIYA SO’XGA KELDI

×

Qirg’izistonning Farg’ona bilan chegaradosh Batken viloyatining Batken tumani hokimi Uchqunbek Jorobayev boshchiligidagi kengaytirilgan delegatsiya So’x tumaniga keldi.

So’x tumani hokimi Saidbahrom Sayidmusayev va tuman ma'sullari hamda Batken tumani delegatsiyasi o’rtasida bo’lib o’tgan uchrashuvda o’zaro manfaatli hamkorlikning dolzarb masalalari yuzasidan fikr almashildi, aloqalarni yanada kengaytirish bo’yicha istiqbolli takliflar muhokama qilindi.

Xususan, So’x tumanida Qirg’iziston respublikasi tadbirkorlik doirasi vakillari ishtirokida biznes-forum tashkil etish, ikki davlat sportchilari o’rtasida sportning turli yo’nalishlarida musobaqalar o’tkazish, savdo-sotiq, turizm masalalarida aloqalarni kuchaytirish, logistika imkoniyatlaridan foydalangan holda o’zaro savdo hajmini oshirish, tibbiyot va qishloq xo’jaligi sohasidagi hamkorlikni mustahkamlash masalalari uchrashuv kun tartibidan o’rin oldi.

O’zbekiston va Qirg’iziston davlat rahbarlarining siyosiy irodasi tufayli o’zara aloqalar kun sayin yangi bosqichga chiqayotgani uchrashuv davomida alohida ta'kidlandi.

Mazkur tadbir davomida xalqlarimiz o’rtasidagi o’zaro do’stona munosabatlarni yanada kuchaytirish, suv ta'minotidagi masalalarni hamkorlikda hal qilish, bu bo’yicha ikki davlat do’stligi ramzi sifatida uchrashuv va hasharlar tashkil etish yuzasidan ham takliflar bildirildi. Chegara bilan bog’liq masalalar qonunda belgilangan tartibda, o’zaro kelishuvga binoan hal etilishi ikki tomonlama qayd etildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram