1. Bosh sahifa

VILOYAT HOKIMI ERONNING “MR.FISH” KOMPANIYASI RAHBARI SHAFI G’ULOM RIZO HAMDA INVESTOR KATAYUN BEHZADINI QABUL QILDI.

×

Farg’ona viloyati va Eron Islom Respublikasi o’rtasida iqtisodiy-investitsiyaviy, ijtimoiy hamkorlikni rivojlantirish masalalari uchrashuv kun tartibidan o’rin oldi.

Muloqot chog’ida viloyat hokimligi, “Mr.Fish” kompaniyasi hamda Erondagi dunyoning eng yirik oltinchi universiteti – bir milliondan ziyod talabaga ega, jahonning barcha nufuzli reytinglarida kuchli 500 talikda muqim o’ringa ega Azad University bilan hamkorlikda Farg’onada oliy ta'lim muassasasi tashkil etish masalasi muhokama etildi. 

Farg’ona viloyatida ro’yxatdan o’tgan, Farg’ona hamda Toshkent shahrida kempuslariga ega bo’lgan aniq fanlar, axborot texnologiyalari, iqtisod, fundamental fanlar, qishloq xo’jaligi yo’nalishlarida faoliyat yuritadigan “Azad University” oliy ta'lim muassasasini tashkil etish bo’yicha hamkorlik kelishuvi imzolandi.

Shuningdek, viloyat hokimligi va “Mr.Fish” kompaniyasi o’rtasida Qoraqalpog’istonning Farg’ona viloyatiga biriktirilgan Bo’zatov tumanida dorivor giyohlar yetishtirish va yetishtirilgan mahsulotlarni to’la qayta ishlash loyihasi bo’yicha kelishuv imzolandi. 2022 yilda birinchi bosqichda 500 gektar maydonda 2 million dollar to’g’ridan to’g’ri xorijiy investitsiya yo’naltirish orqali amalga oshiriladigan ushbu loyiha doirasida 160 nafar doimiy, 500 nafar mavsumiy ish o’rni shakllantiriladi. Keyingi yillarda ikkinchi bosqichda yana 4500 gektar maydonda loyihani kengaytirish yo’lga qo’yiladi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram