1. Bosh sahifa

“INNOPROM. MARKAZIY OSIYO” XALQARO SANOAT KO’RGAZMASINING IXTISOSLASHTIRILGAN SESSIYASIDA FARG’ONA VILOYATI TAQDIMOTI O’TKAZILDI

×

Toshkentdagi “O’zekspomarkaz” Milliy ko’rgazmalar majmuasida 25 aprel kuni boshlangan “Innoprom. Markaziy Osiyo” xalqaro sanoat ko’rgazmasining biznes dasturi doirasida tashkil etilgan “Hududiy sanoat siyosatini amalga oshirish va muvofiqlashtirish: hamkorlik formatlari, eng yaxshi amaliyotlar, davlat tomonidan qo’llab-quvvatlash choralari” mavzusidagi ixtisoslashtirilgan sessiyada Farg’ona viloyati iqtisodiy-investitsion salohiyatining taqdimoti o’tkazildi.

O’zbekiston, Rossiya, Belorus, Vengriya, Frantsiya, Qozog’iston va boshqa davlatlardan 700 dan oshiq ishlab chiqarish kompaniyalari va biznes delegatsiyalari, rasmiylar ishtirokida bo’lib o’tayotgan xalqaro ko’rgazmaning biznes-anjumanida viloyat hokimining o’rinbosari Iqboljon Ergashev Farg’ona viloyatida so’nggi yillarda olib borilayotgan bunyodkorlik jarayonlari, viloyatning ulkan iqtisodiy-investitsion va turistik salohiyati, amalga oshirilayotgan yirik loyihalar haqida batafsil ma'lumot berdi.

O’zbekiston investitsiyalar va tashqi savdo vazirining o’rinbosari Olimxon Rustamov, Rossiya sanoat va savdo vaziri o’rinbosari Aleksey Besprozvannыx, Uzoq Sharq va Arktikani rivojlantirish bo’yicha vaziri o’rinbosari Anatoliy Bobrikov, ishtirokchi davlatlar hududlari rahbarlari hamda ishbilarmonlari ishtirokida bo’lib o’tgan ushbu sessiyada Farg’ona viloyatining texnologik o’sish makoni sifatidagi istiqbollari yuqori baholandi.

Bugun o’z ishini yakunlaydigan “Innoprom. Markaziy Osiyo” ko’rgazmasidan ko’zlangan maqsad ham sanoat sohasidagi eng yangi texnologiyalar va ishlanmalarni targ’ib qilish, yangi ishbilarmonlik aloqalarini o’rnatish, bitimlar tuzish va natijada sanoat kooperatsiyasi bo’yicha yangi loyihalarni amalga oshirishdan iborat.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram