1. Bosh sahifa

FARG’ONADA “YANGI O’ZBEKISTON – INSON QADRI ULUG’LANGAN YURT” SHIORI OSTIDA MA'NAVIY-MA'RIFIY TADBIRLAR BOSHLANMOQDA

×

Farg’ona viloyati yana bir katta ma'naviy-ma'rifiy tadbirga mezbonlik qilmoqda. Barcha mahalla fuqarolar yig’inida “Yangi O’zbekiston – inson qadri ulug’langan yurt” shiori ostida kontsert dasturlari, teatrlashtirilgan tomoshalar, ijodiy uchrashuvlar, eng sara kinofilmlar namoyishi bo’lib o’tadi.

Bugun Qo’qon va Marg’ilon shahri temir yo’l bekatida poytaxtimizdan kelgan uch yuzdan ziyod madaniyat, san'at namoyandalari, shoir va yozuvchilar, ma'naviyat targ’ibochilari tantanali kutib olindi. 

Farg’onalik azaldan madaniyat va san'atni qadrlashadi. Ayniqsa, elimiz suygan san'atkorlar va ijodkorlar bilan gurunglarni, uchrashuvlarni sog’ingan. Shu bois ham har bir hududda bu tadbirlarni yuqori saviyada o’tkazish chora-tadbirlari belgilandi.

30 may - 6 iyun kunlari o’tkaziladigan uchrashuvlarda aholiga yurtimizda Yangi O’zbekistonni bunyod etish yo’lida amalga oshirilayotgan keng ko’lamli islohotlar hamda erishilayotgan yutuqlarni aniq hayotiy misollar orqali sodda va tushunarli shakllarda yetkazishga e'tibor qaratiladi. Respublika Ma'naviyat va ma'rifat markazi, Yozuvchilar uyushmasi hamkorligida “Kitob karvoni” tashkil etilib, besh mingdan ziyod kitoblar tuhfa qilinadi. “Kinokarvon” loyihasi doirasida mahallalarda kino san'atimizning 100 ta eng sara namunasi va so’nggi yillarda ishlab chiqarilgan filmlar namoyish etilib, kinoijodkorlar bilan uchrashuvlar o’tkazish rejalashtirilgan.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram