1. Bosh sahifa

KOREYA RESPUBLIKASINING INCHON SHAHRI VA FARG’ONA O’RTASIDA HAMKORLIK ISTIQBOLLARI BELGILANDI

×

Viloyat hokimligi qabullar uyida viloyat hokimining o’rinbosari Xurshid Ahmedov va viloyat hokimligi Investitsiyalar va tashqi savdo kotibiyati mudiri Azimjon Yuldashev Koreya Respublikasining Inchon Metropoliten shahri hokimligi, xalqaro aloqalar bo’limi direktori Myung Chang-jun bilan uchrashdilar.

Uchrashuvda Inchon - Farg’ona shaharlari o’rtasida to’g’ridan-to’g’ri aviaqatnovni yo’lga qo’yish, birodar shaharlar sifatida 2019 yilda imzolangan memorandumni yangilash, hududlar savdo-sanoat palatalari o’rtasida Memorandum imzolash, ikki hudud o’rtasida davlat hodimlari malakasini oshirish maqsadida almashinuv dasturlarini yo’lga qo’yish, “Qo’qon” EIZ va “Inchon” EIZ lari o’rtasida o’zaro anglashuv memorandumini imzolash bo’yicha hududlar rahbarlari topshiriq va ko’rsatmalari doirasida chora-tadbirlar ishlab chiqilayotgani haqida so’z bordi.

Farg’ona viloyatidagi ijobiy o’zgarishlar, bunyodkorlik ishlarini kuzatib borayotgani haqida aytgan koreyalik mehmon joriy yilning kuz oylarida Inchon Metropoliten shahri delegatsiyasi Farg’ona viloyatiga kelishi va hududlararo muhim shartnoma va dasturlar tayyorlanayotgani to’g’risida ma'lum qildi. Tashrif oldidan amalga oshirilishi zarur bo’lgan hamkorlikdagi tadbirlar kelishib olindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram