Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONADA ARALASH JANG VA KARATE BO’YICHA MUROD XONTO’RAYEV XOTIRASIGA BAG’ISHLANGAN RESPUBLIKA TURNIRI BO’LIB O’TMOQDA
2022-07-16 16:20:20 76
Bugun Farg’ona shahridagi “Samo” sport majmuasida "Osiyo ayig’i" nomi bilan mashhurlikka erishgan MMA yulduzi Murod Xonto’rayev xotirasiga bag’ishlangan aralash jang va karate bo’yicha turnir start oldi. Unda viloyatimiz shahar-tumanlaridan va Respublikamizning turli viloyatlaridan kelgan 200 nafardan ziyod sportchilar qatnashmoqdalar.
Musobaqaning ochilish marosimida O’zbekiston karate milliy federatsiyasi birinchi vitse-prezidenti Ayubxon Toshbayev, Farg’ona viloyat milliy karate federatsiyasi rahbari Mo’ydinjon Sobirov, Respublika va viloyatlar sport mutasaddilari, faxriy sportchi-murabbiylar, ota-onalar va sportsevarlar ishtirok etdilar.
So’z olganlar MMA jangchisi Murod Xonto’rayevni yodga olib, bu mashxur sportchi erishgan yuqori natijalar yosh avlod tomonidan ham munosib qayd etib borilishiga tilak bildirdilar. O’g’il-qizlarni yurtimizda yaratilayotgan shart-sharoitlardan munosib foydalanishga chorladilar.
Tadbirda Davronjon Ashurmatov, Elyor Dadamirzayev kabi yoshlarga o’rnak va namuna bo’lib kelayotgan, ko’plab shogirdlar yetishtirib chiqarayotgan sportchilarga diplom va esdalik sovg’alari topshirildi.
Shundan so’ng musobaqalarga start berildi. Unda 7-16 yosh toifasidagi sportchilar MMA va karate sport turlari bo’yicha bir necha vazn toifasida murosasiz bahsga kirishishdi. Turli viloyatlardan kelgan 30 nafar hakamlar hay'ati azolari ularning ishtiroklarini baholab borishmoqda.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram