1. Bosh sahifa

TOSHLOQ TUMANI PAXTAKORLARI HAM RESPUBLIKADA PESHQADAMLAR SAFIDA MARRANI ZABT ETDILAR

×

Tumanda joriy yil hosili uchun 166 ta fermer xo’jaliklari tomonidan 5 ming 120 gektar maydonda belgilangan agrotexnik tadbirlar asosida g’o’za parvarishlanib, Expo Kollor Prin Teks paxta-to’qimachilik klasteri bilan o’rtacha 36,8 tsentnerdan jami 18200 tonna paxta xom ashyosi yetishtirish bo’yicha shartnomalar tuzilgan.

Bugunga kelib, tumandagi 144 ta fermer xo’jaliklarida mo’l paxta hosili yig’ilib, toshloqliklar ham yillik shartnoma rejasini bajardilar. Fermer xo’jaliklarining aksariyati birinchi terimdayoq ko’zlangan maqsadlariga erishishdi.

"Durdona baraka", "Boymat Shermatov", "Besarang gulshani", "Muqaddas" kabi ilg’or fermer xo’jaliklari tomonidan hosildorlik gektariga 40-45 tsentnerga yetkazildi.

Paxta hosilini o’z vaqtida yig’ib-terib olish bo’yicha chora-tadbirlar davomida terimchilarni jalb etish maqsadida tumandagi mavjud 51 ta mahallalarda mehnatga layoqatli ishsiz aholini paxta terimiga mehnat shartnomasi asosida ixtiyoriy jalb qilish orqali ularning bandligi va daromadi oshishini ta'minlash bo’yicha tashviqot ishlarini olib boruvchi targ’ibot guruhlari tashkil etildi.

Natijada tuman bo’yicha jami 10 ming nafar, shundan 5 ming nafar fermer xo’jaligi a'zolari, 5 ming nafar aholi vakillarining ro’yxati shakllantirilib, ular bilan belgilangan tartibda muayyan muddatdagi mehnat shartnomalari tuzildi. Tumanda yetishtirilgan paxta hosilini o’z vaqtida va sifatli yig’ib-terib olish maqsadida terimchilarning moddiy manfaatdorligini ta'minlashga alohida e'tibor qaratilmoqda.

Tuman paxtakorlari terim sur'atini susaytirmay, daladagi paxtalarni yog’in-sochinga qo’ymay yig’ib-terib olishni maqsad qilishgan.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram