Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
FARG’ONADA "SIZ BIZ UCHUN QADRLISIZ” SHIORI OSTIDA MADANIY TADBIR BO’LIB O’TDI
2022-10-28 16:19:46 79
Bugun viloyat teatr va kontsert saroyida “Siz biz uchun qadrlisiz” shiori ostida madaniy tadbir bo’lib o’tdi.
Viloyat hokimligi, viloyat prokuraturasi, viloyat ichki ishlar boshqarmasi, viloyat Oila va xotin-qizlar boshqarmasi va Reablitatsiya va moslashtiruv markazi viloyat bo’limi bilan hamkorlikda tashkil etilgan tadbirga viloyatning shahar va tumanlaridan ijtimoiy ko’makka muhtoj, jazoni ijro etish muassasalaridan qaytgan, probatsiya va profilaktik hisobda turgan xotin-qizlar taklif etildi.
Tadbirning asosiy maqsadi ham ushbu toifadagi ayollarni jamiyatimizdan chetga chiqarib qo’ymaslik, ularni oilasi, yaqinlari uchun kerakligini his qildirish, ko’nglini ko’tarish, jamiyatga qaytarishdan iborat.
Madaniy tadbirda so’z olgan viloyat hokimining o’rinbosari – viloyat Oila va xotin-qizlar boshqarmasi boshlig’i Komila Kavlonova yurtimizda xotin-qizlar uchun ayniqsa, ko’makka muhtoj xotin-qizlarga barcha imkoniyatlar eshigi ochilayotgani, o’z mehnati bilan oilasi, ro’zg’orini but qilib yashash, farzandlari tarbiyasi, kelajagi uchun mehr-muhabbatlari zarurligini qayd etdi. Ularning baxtli kunlari farzandlari baxtida albatta ro’yobga chiqishligiga, baxtli hayot oilasi, farzandlari, ota-ona va do’stlari davrasida ekanligini doimo yodda tutishlarini ta'kidladi.
Bayram tadbiri davomida ishtirokchilarga sovg’alar ulashildi, 20 nafar xotin-qizlarga Xorazm viloyatiga sayohat qilish uchun 3 kunlik yo’llanma berildi. Bundan tashqari, sog’lom turmush tarzini targ’ib qilish maqsadida 10 nafar ayollarning farzandlari uchun o’z hududlaridagi sport to’garaklariga bepul yo’llanmalar ham taqdim qilindi.
Viktorina o’yinlarida ishtirok etib, g’olib bo’lgan 10 nafar ayollar yoki ularning farzandlari uchun Farg’ona shahridagi “Ibratli bekam” o’quv markazida 10 xil yo’nalishda o’qishlari uchun bepul yo’llanmalar ham topshirildi.
Maktab o’quvchilari tomonidan aytilgan she'rlar, viloyat madaniyat uyi xodimlari va xushovoz xonandalar ijrosidagi qo’shiqlar, raqqosalarning chiqishlari barchaga birdek manzur bo’ldi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
