1. Bosh sahifa

OLTIARIQDA VILOYAT HOKIMINING FUQAROLAR SAYYOR QABULI BO’LIB O’TDI

×

Bugun Oltiariq tumani Madaniyat markazida viloyat hokimi Xayrullo Bozorov tomonidan navbatdagi sayyor fuqarolar qabuli o’tkazildi. Qabulda viloyat prokurori Baxtiyor Ismoilov, viloyat ichki ishlar boshqarmasi boshlig’i Muhiddin Jo’rayev ham ishtirok etdilar.

Besh soatdan ortiq davom etgan qabulda viloyatning shahar va tumanlaridan viloyat hokimining shaxsiy qabulini so’rab murojaat qilgan 100 nafardan ziyod fuqarolarning murojaatlari viloyat hokimligining bo’limlari, viloyat boshqarma va tashkilotlari, davlat va tijorat banklari rahbarlari ishtirokida ko’rib chiqildi.

Fuqarolar tomonidan bandlik, tadbirkorlik, bank krediti olish, uy-joy, moddiy yordam, subsidiyalar ajratish, kommunal xizmat, tibbiy xizmatlar, shuningdek, joylarda mahallalarni obodonlashtirish kabi masalalarda qilingan murojaatlarning ko’pi qabul chog’ida o’z yechimini topdi. Hal etilishi uchun muddat talab etiladigan murojaatlar bo’yicha mutasaddilarga tegishli topshiriqlar berilib, ijrosi qat'iy nazoratga olindi. Shuningdek, sud va huquqni muhofaza qiluvchi idoralarga doir masalalar ham joyida soha mutasaddilariga yo’naltirildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram