Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
IKKI NAFAR MEHRIBONLIK UYLARI SOBIQ BITIRUVCHILARI DAVLATIMIZ RAHBARINING G‘AMXO‘RLIGI BILAN FARG‘ONA SHAHRIDA O‘Z UYLARIGA EGA BO‘LDILAR. VILOYAT BO‘YICHA JAMI 21 NAFAR YOSHLARGA YANGI UYLAR TOPSHIRILDI
2023-04-28 16:52:41 325
Bugun Farg‘ona shahrining Qirguli massivida ikki nafar Mehribonlik uylari sobiq bitiruvchilariga Davlatimiz rahbarining sovg‘alari – xonadonlar kalitlari topshirildi.
Prezidentimiz tomonidan yurtimizda “Inson qadri uchun” tamoyili asosida amalga oshirilayotgan islohotlar jarayonida yetim bolalar va ota-ona qaramog‘idan mahrum bo‘lgan bolalarning huquq va erkinliklarini ro‘yobga chiqarish, ijtimoiy himoyasini kuchaytirish, ularni davlat tomonidan qo‘llab-quvvatlashga alohida e’tibor berilmoqda.
Yurtboshimizning ezgu va xayrli qarorlari bilan 2021 yili viloyatimiz bo‘ylab 18 yoshga to‘lgan 29 nafar, 2022 yilda 17 nafar yetim va ota-ona qaramog‘idan mahrum bo‘lgan yoshlarga ko‘p kvartirali uy-joylardan kvartira taqdim etilgan bo‘lsa, bu yil 21 nafar yigit-qiz ta’mirlangan va to‘la jihozlangan uy-joylar egasiga aylanishdi.
Marg‘ilon shahridagi 1-son Mehribonlik uyi sobiq tarbiyalanuvchilari Roza Qodirova va Doniyorjon Ergashev ham ushbu amaliy g‘amxo‘rlik natijasida bugundan boshlab o‘z uylariga ega bo‘ldilar. Davlatimiz rahbari tomonidan ajratilgan mablag‘ hisobiga xarid qilingan va o‘z nomlariga rasmiylashtirilgan xonadonlar kalitlarini viloyat hokimidan qabul qilib oldilar.
Yangi xonadon egalarining quvonchlari bir olam, ular berilayotgan e’tibor va g‘amxo‘rliklar uchun Prezidentimizga cheksiz minnatdorchiliklarini izhor qildilar.
Bizni ijtimoiy tarmoqlarda kuzating