Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
Viloyatimizda yangi tashkil etilgan Oziq-ovqat texnologiyasi va muhandisligi xalqaro institutiga qabul davom etmoqda
2023-07-12 10:08:27 482
Joriy yildan viloyatimizdagi oliy ta’lim muassasalari soni 13 taga yetdi. O‘zbekiston Respublikasi Prezidentining 2023 yil 26 yanvardagi “Oziq-ovqat texnologiyasi va muhandisligi xalqaro institutini tashkil qilish chora-tadbirlari to‘g‘risida”gi PQ-22-son Qarori bilan Farg‘ona shahrida tashkil etilgan Oziq-ovqat texnologiyasi va muhandisligi xalqaro instituti davlat muassasasi 2023/2024-o‘quv yili uchun qabul jarayonlarini boshladi.
Institutda xalqaro tendensiyalarni aks ettirishga moslashgan "ilmga asoslangan, amaliyot va biznesga yo‘naltirilgan (science-based, practice-business-oriented) ta’lim" tamoyili asosida xalqaro tan olingan sifat standartlarini (Global G.A.P, Organic, NACCP va boshqalar) joriy eta oladigan yuqori malakali kadrlar tayyorlanadi.
Ummon Sultonligining Atyab International Services kompaniyasi ishtirokida tashkil etilgan institutga quyidagi yo‘nalishlarda qabul o‘tkazilmoqda:
Bakalavriat yo‘nalishlari: Metrologiya, standartlashtirish va mahsulot menejmenti, Iqtisodiyot: Oziq-ovqat va resurslar iqtisodiyoti, Aholi va turistlarning ovqatlanishini tashkil etish servisi
Magistratura yo‘nalishlari: Oziq-ovqat mahsulotlarini ishlab chiqarish va qayta ishlash texnologiyasi, Biznesni boshqarish (Master of Business Administration, MBA)
Ta’lim o‘zbek, rus va ingliz tillarida amalga oshiriladi. Bitiruvchilarga davlat namunasidagi diplom beriladi.
Murojaat uchun:???? +998953029090???? +998954029090
Eslatma: hujjatlar my.uzbmb.uz yoki my.gov.uz elektron platformalari orqali 20 iyul (shu kuni ham) kuniga qadar onlayn qabul qilinadi.