Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONADA DUAL TA'LIMNI RIVOJLANTIRISHGA BAG’ISHLANGAN FORUM BO’LIB O’TDI
2024-04-25 18:51:53 5854
Viloyatimizdagi ta'lim muassasalari, ish beruvchi korxona va tashkilotlar ishtirokida “Dual ta'limni tashkil etishning afzalliklari” mavzuida forum tashkil etildi.
Viloyat hokimligi bilan hamkorlikda tashkil etilgan tadbirda viloyatdagi professional ta'lim muassasalari, mutasaddi tashkilot va boshqarmalar mas'ullari, biznes va ishlab chiqarish korxonalari vakillari qatnashishdi.
Shuningdek, Oliy ta'lim, fan va innovatsiyalar vazirligi, Germaniya xalqaro hamkorlik jamiyati (GIZ)ning O’zbekistondagi vakili, Savdo-sanoat palatasi, Kambag’allikni qisqartirish va bandlik boshqarmalari vakillari ishtirok etishdi.
Forumni o’tkazishdan ko’zlangan asosiy maqsad – viloyatdagi professional ta'lim muassasalarida bir paytning o’zida ham o’qish, ham ishlash imkonini beruvchi dual ta'lim bo’yicha o’quvchilar qabuli ko’rsatkichini yuksaltirish, bu tizimning professional ta'lim muassasalari va ish beruvchi korxonalar uchun afzallik jihatlarini muhokama qilish, ilg’or xorijiy amaliyot namunalarini mahalliy sharoitga moslashtirish, shuningdek, dual ta'lim bo’yicha ish boshlagan korxonalar tajribasini ommalashtirishdir.
Bugungi forumda dual ta'lim yaxshi rivojlangan mamlakatlar, xususan, Germaniya tajribasidan keng foydalanish muhimligiga e'tibor qaratildi, Germaniya dual ta'limining o’ziga xos jihatlari, mamlakatimizda bu tizimni joriy etish bo’yicha huquqiy asoslarning mavjudligi, ish beruvchilar uchun afzallik jihatlari muhokama qilindi.
Misol uchun, dual ta'lim zamirida nisbatan arzon ishchi kuchi, mutaxassislar orasidan eng yaxshilarini tanlab olish imkoniyati, kadrlar qo’nimsizligiga barham berish, o’quvchilar qabul jarayoni va ta'lim dasturlarining ish beruvchilar bilan hamkorlikda ishlab chiqilishi kabi muhim jihatlar mujassam.
Ishchan ruhda o’tgan Forum yakunida viloyatdagi 50 dan ortiq korxona-tashkilotlar va ta'lim muassasalari o’rtasida dual ta'limni joriy etish bo’yicha shartnomalar imzolandi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram