1. Bosh sahifa

SEKTOR RAHBARINING SAYYOR QABULLARI

O’zbekiston Respublikasi Prezidentining 2017 yil 8 avgustdagi
PQ-3182-sonli qaroriga asosan hududlarda axoli bilan to’g’ridan-to’g’ri muloqotni yanada kengaytirish, muammolarni aniqlash va ularni joyida bartaraf etish maqsadida hududlarni kompleks ijtimoiy-iqtisodiy rivojlantirish bo’yicha sektor rahbarlari tomonidan 20 iyuldan 20 avgustgacha shaxsiy sayyor qabullarni tashkil etish jadvali tasdiqlanib, sektor rahbarlari tomonidan o’zlariga biriktirilgan xududlarda qabullar tashkil etildi.

Jumladan, viloyat hokimi, 1-sektor rahbari tomonidan tasdiqlangan jadval asosida Farg’ona va Marg’ilon shaharlari, Qo’shtepa, Yozyovon, Farg’ona va So’x tumanlari fuqarolari bilan o’tkazilgan qabullar davomida 133 nafar jismoniy va yuridik shaxslar vakillari qabul qilinib, ular tomonidan 141 ta murojaatlar kelib tushdi.

Shuningdek, tasdiqlangan jadvallar doirasida 20 iyuldan 20 avgustgacha viloyat, shahar va tuman sektor rahbarlari tomonidan mahalla va qishloqlarda jami 264 ta shaxsiy sayyor qabullar o’tkazildi. Qabullar davomida 3962 nafar jismoniy va yuridik shaxslar vakillari qabul qilinib, ular tomonidan 4146 ta murojaatlar kelib tushdi.

Ushbu murojaatlarning  2077 tasi (50,1%) joyning o’zida ijobiy hal etilishi ta’minlangan bo’lib, 1330 ta (32,1%) murojaat bo’yicha tushuntirish ishlari olib borildi, 739 ta (17,8) murojaat belgilangan tartibda o’rganib chiqish uchun ijrochilarga etkazildi.

Mahalla va qishloqlarda o’tkazilayotgan sayyor qabullar va ularning ko’rib chiqish natijalari muntazam ravishda ommaviy axborot vositalarida yoritib borilmoqda. Jumladan, iyun oyida sektor rahbarlari  tomonidan o’tkazilgan ommaviy qabullar 17 marta televideniya orqali, 45 marta davriy nashrlar orqali ko’rsatuv va maqolalar berib borildi hamda  58 marta internet tarmog’i orqali yoritildi.